இந்தியா எல்லைக்குள் புகுந்த பாகிஸ்தான் விமானத்தை பொசுக்கிய காட்சி இதுவா?

‘’இந்தியா எல்லைக்குள் புகுந்த பாகிஸ்தான் விமானத்தை பொசுக்கிய காட்சி,’’ என்று கூறி, சமூக வலைதளங்களில் பகிரப்படும் ஒரு வீடியோ பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ “இந்தியா எல்லைக்குள் புகுந்த பாகிஸ்தான் விமானத்தை பொசுக்கி தள்ளிய பொழுது_🔥 ,’’ என்று எழுதப்பட்டுள்ளது.

இதனுடன் போர் விமானம் ஒன்றை தடுப்பு பீரங்கி மூலமாக சுட்டு வீழ்த்துவது போன்ற காட்சிகள் கொண்ட ஒரு வீடியோவும் இணைக்கப்பட்டுள்ளது.

Claim Link 1 l Claim Link 2 l Claim Link 3

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர்.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இந்த வீடியோவுக்கும், தற்போதைய இந்தியா – பாகிஸ்தான் மோதலுக்கும் எந்த தொடர்பும் இல்லை, என்று தெரியவந்தது.

ஆம், இது உண்மையான வீடியோ கிடையாது. வீடியோ கேம் ஒன்றின் பதிவு செய்யப்பட்ட காட்சி. ஆம், இந்த வீடியோ மேலே, ஒரு லோகோ இடம்பெற்றுள்ளதை, தெளிவாகப் பார்க்க முடிகிறது.

இதன் அடிப்படையில், குறிப்பிட்ட வீடியாவின் ஒரு காட்சியை பிரித்தெடுத்து, ரிவர்ஸ் இமேஜ் முறையில் தகவல் தேடினோம். அப்போது, இது GTA 5 வீடியோ கேம் லோகோ என்று தெரியவந்தது.

அடுத்தப்படியாக, குறிப்பிட்ட வீடியோ கேமின் லிங்க் நமக்குக் கிடைத்தது.

இதன்படி, TBG Plays என்ற ஃபேஸ்புக் பக்கத்தில், இது ஒரு வீடியோ கேம் காட்சி (#Gaming), என்றே தெளிவாகக் குறிப்பிடப்பட்டு, இந்த வீடியோ பகிரப்பட்டுள்ளது.

ஆனால், இதனை சரியாகப் பார்க்காமல், அவசர கதியில், இந்தியா – பாகிஸ்தான் மோதல் காட்சி என்று குறிப்பிட்டு, சமூக வலைதளங்களில் வதந்தி பரப்புகிறார்கள்.

எனவே, நாம் ஆய்வுக்கு எடுத்துக் கொண்ட வீடியோ உண்மையானதல்ல; ஒரு வீடியோ கேம் காட்சி, என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.