லஞ்சம் வாங்கிய போலீஸ் என்று பகிரப்படும் வீடியோ தமிழ்நாட்டில் எடுக்கப்பட்டதா?

‘’லஞ்சம் வாங்கிய தமிழ்நாடு போலீஸ். பணத்துக்கு முன்னாடி சட்டமே அடிமை,’’ என்று கூறி, சமூக வலைதளங்களில் பகிரப்படும் ஒரு வீடியோ பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ பணத்திற்கு முன் சட்டமே அடிமை விட்டால்  அங்கேயே சட்டையைகட்டிபோட்டுட்டுமுட்டிபோட்டிடுவானுங்கபோல💦💦💦💦💦

#விடியாதிராவிடியாமாடல்ஏவல்துறை,’’ என்று எழுதப்பட்டுள்ளது. 

Claim Link 1 l Claim Link 2 l Claim Link 3   

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்:

மேற்கண்ட வீடியோ உண்மையா என்று நாம் ஆய்வு மேற்கொண்டோம். அப்போது, இது கர்நாடகா மாநிலத்தில் நிகழ்ந்த சம்பவம் என்றும், இதற்கும் தமிழ்நாட்டிற்கும் எந்த தொடர்பும் இல்லை என்றும் தெரியவந்தது. 

ஆம், சில நாட்கள் முன்பாக, கர்நாடகா மாநிலம், பாகல்கோட் மாவட்டத்தில் உள்ள பாதாமி காவல்நிலையத்தைச் சேர்ந்த போலீசார் 6 பேர், காவல் பணியில் ஈடுபட்டிருந்தனர். அப்போது, உள்ளூர் சாமியார் சித்தன்கோலாட் மடாதிபதி சிவகுமார் சுவாமிஜி என்பவர் அவ்வழியே காரில் வந்தார். அவரிடம் போலீசார் ஆசி பெற விரும்பினர். எனவே, காரை நிறுத்திய சுவாமிஜி, போலீசார் 6 பேருக்கும் ஆசி வழங்கியதோடு, சிறிது பணம் அன்பளிப்பாகக் கொடுத்து, அதனை செலவிடாமல், பத்திரமாக வைத்துக் கொள்ளும்படி அறிவுரை செய்தார். 

இந்த காட்சியை சிலர் வீடியோ எடுத்து, சமூக வலைதளங்களில் பகிர்ந்து, பணத்திற்காக சாமியார் காலில் விழுந்த போலீசார் என்று குறிப்பிட்டு, விமர்சிக்க தொடங்கினர். இந்த வீடியோ வைரலாக பரவியதை தொடர்ந்து, சம்பந்தப்பட்ட போலீசார் 6 பேரும் பணியிட மாற்றம் செய்யப்பட்டனர். 

Asianet News Kannada l ETV Bharat l Dinamalar 

இத்தகைய சூழலில், மேற்கண்ட வீடியோவை எடுத்து, தமிழ்நாட்டில் பணிபுரியும் போலீசார் காலில் விழுந்து, லஞ்சம் வாங்குவதாகக் குறிப்பிட்டு, சமூக வலைதளங்களில் வதந்தி பரப்புகிறார்கள், என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram