‘’புத்தாண்டையொட்டி அனைவருக்கும் 3 மாத ரீசார்ஜ் முற்றிலும் இலவசம்’’, என்று மு.க.ஸ்டாலின் அறிவித்ததாகக் கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம்.
தகவலின் விவரம்:
இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.
இதில், ‘’ *🚩 NEW YEAR RECHARGE OFFER 🚩* புத்தாண்டையொட்டி, *M K Stalin* அனைவருக்கும் 3 மாத ரீசார்ஜ் ₹749 முற்றிலும் இலவசம். எனவே கீழே கொடுக்கப்பட்டுள்ள லிங்கை கிளிக் செய்து இப்போதே ரீசார்ஜ் செய்யவும்.
இந்த சலுகை குறிப்பிட்ட காலத்திற்கு மட்டுமே’’ என்று எழுதப்பட்டுள்ளது.
பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர்.
உண்மை அறிவோம்:
மேற்கண்ட செய்தி உண்மையா என்று நாம் ஆய்வு மேற்கொண்டோம். அப்போது, இது ஒரு ஆன்லைன் மோசடி என்று தெரியவந்தது.
ஆம், இதுபோன்று சமூக வலைதளங்கள் மூலமாக அல்லது எஸ்எம்எஸ் மூலமாக நமக்கு அனுப்பப்படும் லிங்கை நாம் கிளிக் செய்யும்போது, நமது வங்கி பரிவர்த்தனை விவரங்கள், பாஸ்வேர்ட், அந்தரங்க தகவல்கள் என பலவும் நமக்குத் தெரியாமலேயே திருடப்பட வாய்ப்புள்ளது. எனவே, இத்தகைய மோசடிகளை யாரும் நம்ப வேண்டாம் என்று கேட்டுக் கொள்கிறோம்.
முதல்வர் மு.க.ஸ்டாலின் இதுபோன்ற அறிவிப்பு எதுவும் வெளியிடவில்லை. இதுதொடர்பாக, ஏற்கனவே தமிழ்நாடு அரசின் அதிகாரப்பூர்வ ஃபேக்ட்செக் குழு (TN Factcheck) மறுப்பு தெரிவித்துள்ளது.
எனவே, நாம் ஆய்வுக்கு எடுத்துக் கொண்ட செய்தி, தவறான ஒன்று, என சந்தேகமின்றி உறுதி செய்யப்படுகிறது.
முடிவு:
உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.
எங்களது சமூக வலைதள பக்கங்களை பின்தொடர…
Facebook Page I Twitter Page I Google News Channel I Instagram
Title:புத்தாண்டையொட்டி அனைவருக்கும் 3 மாத ரீசார்ஜ் இலவசம் என்று மு.க.ஸ்டாலின் அறிவித்தாரா?
Fact Check By: Pankaj IyerResult: False
