கன்னியாகுமரியில் சாலையை கடந்த ராட்சத மலைப்பாம்பு இதுவா?

‘’கன்னியாகுமரியில் சாலையை கடந்த ராட்சத மலைப்பாம்பு,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ குமரி மாவட்ட சாலையில் கடந்து சென்ற ராட்சத மலைப்பாம்பு,’’ என்று எழுதப்பட்டுள்ளது. 

Claim Link 1 l Claim Link 2       

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். முதலில், குமரி மாவட்டத்தில் மலைப்பாம்பு நடமாட்டம் என்று ஏதேனும் செய்தி வெளியாகியுள்ளதா, என்று பார்த்தோம். 

அப்போது, கடந்த 2025, ஜூலை மாதம் ‘’ நாகர்கோவில் பார்வதிபுரம் அருகே சாலையை கடந்து சென்ற ராட்சத மலைப்பாம்பு,’’ என்ற தலைப்பில் வெளியான செய்தி ஆதாரங்கள் கிடைத்தன. ஆனால், அந்த வீடியோவுக்கும், நாம் ஆய்வு செய்யும் வீடியோவுக்கும் நிறைய வேறுபாடுகள் உள்ளதையும் கண்டோம். 

அடுத்தப்படியாக, நாம் ஆய்வு செய்யும் வீடியோவின் ஒரு ஃபிரேமை பிரித்தெடுத்து, கூகுள் உதவியுடன் ரிவர்ஸ் இமேஜ் தேடல் செய்தோம். அப்போது, இந்த வீடியோ கடந்த 2022ம் ஆண்டு முதலே இணையதளங்களில் ஷேர் செய்யப்படும் ஒன்று, என தெரியவந்தது. 

கடந்த 2022ம் ஆண்டு மார்ச் மாதம் 06ம் தேதி ETV Bharat வெளியிட்ட செய்தியில், கர்நாடகா மாநிலம், Karwar பகுதியில் இந்த பாம்பு காணப்பட்டதாகக் கூறப்பட்டுள்ளது. 

அதேசமயம், மார்ச் 20, 2022 அன்று Times of India வெளியிட்ட செய்தியில், கேரள மாநிலம், Wayanad பகுதியில் இந்த பாம்பு காணப்பட்டதாகக் குறிப்பிடப்பட்டுள்ளது. 

இதன்மூலமாக, நாம் ஆய்வு செய்யும் வீடியோ கடந்த 2022ம் ஆண்டு முதலாக, எங்கே எடுக்கப்பட்டது என்று தெரியாமல் குழப்பமான தகவலுடன் பகிரப்பட்டு வருவது, தெளிவாகிறது. 

தொடர்ந்து, தமிழ்நாடு அரசின் அதிகாரப்பூர்வ ஃபேக்ட்செக் குழு TN Factcheck குறிப்பிட்ட வீடியோ பற்றி மறுப்பு வெளியிட்டுள்ளதாக, விவரம் கிடைத்தது. 

எனவே, நாம் ஆய்வு செய்யும் வீடியோவுக்கும், கன்னியாகுமரிக்கும் எந்த தொடர்பும் இல்லை, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram