எடப்பாடி பழனிச்சாமியை எதிர்த்துப் பேசும் ஆர்.பி.உதயகுமார் என்று பரவும் வதந்தியால் சர்ச்சை…

‘’எடப்பாடி பழனிச்சாமியை எதிர்த்துப் பேசும் ஆர்.பி.உதயகுமார்’’ என்று கூறி நியூஸ் 18 தமிழ்நாடு பெயரில் பகிரப்படும் ஒரு வீடியோ செய்தி பற்றி ஆய்வு செய்தோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

நியூஸ் 18 தமிழ்நாடு லோகோவுடன் உள்ள இந்த வீடியோ செய்தியில், ‘’ எடப்பாடி பழனிச்சாமிக்கு எதிராக ஆர்பி உதயகுமார் சர்ச்சை பேச்சு.. எம்.ஜி.ஆர்., ஜெயலலிதா வெற்றிப்பெற்ற ஆண்டிப்பட்டியில் வெற்றி பெற முடியவில்லை என்றால் நீயெல்லாம் என்ன தலைவர்?- ஆர்.பி. உதயகுமார்,’’ என்று குறிப்பிடப்பட்டுள்ளது. 

Claim Link 1 l Claim Link 2 

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். முதலில், News 18 Tamil Nadu செய்திப் பிரிவை தொடர்பு கொண்டு கேட்டபோது, இவ்வாறு நாங்கள் எந்த செய்தியும் வெளியிடவில்லை. இது எங்களது பெயரில் யாரோ வேண்டுமென்றே தயாரித்துள்ள போலியான செய்தி,’’ என்று தெரிவித்தனர். 

இதுபற்றி News 18 Tamil Nadu விளக்கம் வெளியிட்டுள்ளது. 

இதேபோன்று, ஆர்.பி. உதயகுமார் சார்பாக, விளக்கம் தெரிவிக்கப்பட்டுள்ளது. ஓபிஎஸ் தரப்பு இவ்வாறு போலி செய்தி பரப்புவதாகக் குறிப்பிட்டுள்ள உதயகுமார், போலீஸ் புகார் செய்துள்ளதாகவும் கூறியுள்ளார்.

இதுதவிர அதிமுக ஐடி பிரிவும் மறுப்பு வெளியிட்டுள்ளது. 

சில நாட்கள் முன்பாக, ராஜபாளையத்தில் நடந்த அதிமுக கூட்டத்தில் ஆர்.பி.உதயகுமார், ஓ.பன்னீர் செல்வத்தை கடுமையாக தாக்கிப் பேசியிருந்தார். 

Sun News l Vikatan 

இதனை எடுத்தே, முன்னாள் அமைச்சர் உதயகுமார் எடப்பாடி பழனிச்சாமி பற்றி பேசியதாக, நியூஸ் 18 தமிழ் பெயரில் வதந்தி பரப்புகிறார்கள், என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram