‘2026 சட்டமன்ற தேர்தலில் என் மகனுக்கும் சீட்’ என்று சீமான் அறிவித்தாரா?  

‘2026 சட்டமன்ற தேர்தலில் என் மகன் பெரியவனுக்கும் சீட்’ என்று சீமான் அறிவித்ததாகக் கூறி சமூக வலைதளங்களில் பகிரப்படும் ஒரு தகவல் பற்றி ஆய்வு செய்தோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

சன் நியூஸ் லோகோவுடன் உள்ள இதில், ‘’2026 தேர்தலில் 234 தொகுதிகளில் 150 இடங்களில் இளைஞர்களை நிறுத்தப் போகிறேன். அதில் என் மகன் பெரியவனுக்கும் சீட். அவனும் சரி என சொல்லிவிட்டான்..! சீமான், நாம் தமிழர் கட்சி ஒருங்கிணைப்பாளர்.,’’ என்று எழுதப்பட்டுள்ளது. 

இதனை பலரும் உண்மை என நம்பி, ஷேர், கமெண்ட் செய்து வருகின்றனர்.  

உண்மை அறிவோம்:

மேற்கண்ட செய்தி உண்மையா என்று தகவல் தேடினோம். அப்போது நாம் தமிழர் கட்சி நிர்வாகி இடும்பாவனம் கார்த்திக் ட்விட்டரில் பதிவு ஒன்றை வெளியிட்டிருந்ததைக் கண்டோம். அதில், ‘’இது நாம் தமிழர் கட்சி மீதுள்ள வன்மம் காரணமாக, சன் நியூஸ் (செய்தி ஆசிரியர் குணசேகரன்) வெளியிட்ட தவறான செய்தி. சீமான், எனது மூத்த மகனுக்கு தேர்தலில் சீட் என்று குறிப்பிட்டது அவருடைய சொந்த மகனை அல்ல; எங்கள் கட்சியின் சக நிர்வாகி ஹூமாயுனின் மகனைத்தான்,’’ என்று விளக்கம் அளித்துள்ளார், 

அண்ணா..! @GunasekaranMu

நாம் தமிழர் கட்சி மீது என்ன அவ்வளவு வன்மம்? நியூஸ் 18 தமிழ்நாடு தொலைக்காட்சியில் நீங்கள் இருக்கும்போது உங்கள் மீது தனிப்பட்ட தாக்குதல் தொடுத்த பாஜக, வலதுசாரிகள், பார்ப்பனர்களுக்கு உங்கள் விவாத மேடைகளில் இடம் உண்டு. அன்றைக்கு உங்களுக்காகக் குரலெழுப்பி… pic.twitter.com/6FUeg8XF7j

— இடும்பாவனம் கார்த்திக் (@idumbaikarthi) March 24, 2024

இதையடுத்து, மேற்கண்ட செய்தியில் உள்ள தவறை திருத்திக் கொள்வதாக, சன் நியூஸ் தரப்பில் மறு விளக்கம் அளிக்கப்பட்டுள்ளது. 

"நேற்று நடந்த நாம் தமிழர் கட்சி வேட்பாளர் அறிமுகக் கூட்டத்தில், தேர்தலில் மகனை வேட்பாளராக நிறுத்துவேன் என சீமான் கூறியதில், ‘மகன்' என குறிப்பிட்டது, வேட்பாளர் ‘ஹுமாயூனின் மகன்' "

-அக்கட்சி நிர்வாகி இடும்பாவனம் கார்த்திக் விளக்கம்!#SunNews | #NTK | #LokSabhaElections2024 |… https://t.co/FVJs8XrlpR

— Sun News (@sunnewstamil) March 24, 2024

எனவே, அவசர கதியில் சன் நியூஸ் ஒரு செய்தியை வெளியிட்டுவிட்டு, பின்னர் தவறை உணர்ந்து விளக்கமும் அளித்துவிட்டதாக, தெரியவருகிறது. 

மேலும், சீமானுக்கு, கடந்த 2013ம் ஆண்டுதான் திருமணம் நடைபெற்றது. அவரது மகன் 18 வயது கூட இன்னமும் எட்டவில்லை. அப்படியிருக்கும்போது, 2026 சட்டமன்ற தேர்தலில் அவர் போட்டியிட வாய்ப்பே இல்லை என்பதையும் இங்கே சுட்டிக்காட்ட விரும்புகிறோம். 

அடுத்தப்படியாக, 2024 மக்களவைத் தேர்தலுக்கான நாம் தமிழர் கட்சியின் வேட்பாளர் அறிமுகக் கூட்டத்தில் சீமான் பேசியதைக் கீழே இணைத்துள்ளோம். 

எனவே, நாம் தமிழர் கட்சி நிர்வாகி ஹூமாயுன் மகன் பற்றி சீமான் பேசியதை தவறாகப் புரிந்துகொண்டு, சன் நியூஸ் இவ்வாறு வதந்தி பரப்பியதாகச் சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram