இந்திய கிரிக்கெட் அணி வெற்றியை கொண்டாடும் தலீபான்கள் என்று பரவும் வீடியோ உண்மையா?

‘’இந்திய கிரிக்கெட் அணி வெற்றியை கொண்டாடும் தலீபான்கள்,’’ என்று கூறி, சமூக வலைதளங்களில் பகிரப்படும் ஒரு வீடியோ பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ இந்திய வெற்றியை
கொண்டாடும் தலீபான்கள் 

#ChampionsTrophy2025,’’ என்று எழுதப்பட்டுள்ளது. 

Claim Link 1 l Claim Link 2  

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர்.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இது கடந்த 2021ம் ஆண்டு எடுக்கப்பட்ட வீடியோ என்பதும், இதற்கும் தற்போதைய ஐசிசி சாம்பியன்ஸ் டிராபி 2025 கிரிக்கெட் தொடருக்கும் எந்த சம்பந்தமும் இல்லை என்பதும், தெரியவந்தது.  

இதன்மூலமாக, 2021ம் ஆண்டு பாகிஸ்தானில் உள்ள Bannu என்ற இடத்தில், பழங்குடியின மக்கள் நடத்திய திருமண விருந்து ஒன்றில் எடுக்கப்பட்ட வீடியோவை தற்போது பகிர்ந்து, வதந்தி பரப்புகிறார்கள், என்று தெரியவருகிறது. 

கூடுதல் ஆதாரம் இதோ…

இதுதவிர மேலும் பல சமூக வலைதள பதிவுகள் இதுதொடர்பாகக் காண முடிகிறது. 

எனவே, பழைய வீடியோவை எடுத்து, தவறான தகவல் சேர்த்து, வதந்தி பரப்புகிறார்கள் என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram