ராகுல் காந்தி அணிந்துள்ள ஷூ விலை ரூ.3 லட்சம் என்ற தகவல் உண்மையா?

‘’ராகுல் காந்தி அணிந்துள்ள ஷூ விலை ரூ.3 லட்சம்,’’ என்று கூறி சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ ராகுல் காந்தி அணியும் பூட்ஸ் விலை என்ன தெரியுமா❓

வெறும் ₹3 லட்சம் தான் 😟,’’ என்று எழுதப்பட்டுள்ளது. இதனுடன், புகைப்படம் ஒன்றும் இணைக்கப்பட்டுள்ளது. 

Claim Link 1 l Claim Link 2 l Claim Link 3

இதனை பலரும் உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்:

மேற்கண்ட தகவல் உண்மையா என்று கேட்டால், இல்லை என்பதுதான் பதில். ஆம், https://www.on.com/ என்ற நிறுவனத்தின் Cloud 5 Waterproof ஷூவையே ராகுல் காந்தி அணிந்துள்ளார். ஆனால், அதன் இந்திய இணையதளம் (https://www.on.com/en-in) தற்போது செயல்பாட்டில் இல்லை. 

அந்த இணையதளம் சென்று நாம் ஷூ ஆர்டர் செய்ய முயன்றோம். அப்போது, அனைத்து ஷூக்களின் விலையும் ரூ.3 லட்சம் என்றுதான் காட்டுகின்றன. 

இதனை அவசரகதியில் உண்மைத்தன்மையை சரிபார்க்காமல், பாஜக ஆதரவாளர்கள் சமூக வலைதளங்களில் தகவல் பரப்புவதே இந்த குழப்பத்திற்கு காரணம். 

அதேசமயம், இதே ஷூ விற்பனை நிறுவனத்தின் அமெரிக்கா மற்றும் சிங்கப்பூர் பிரிவு இணையதளங்களில் சென்று குறிப்பிட்ட ஷூவின் விலை என்னவென்று, தகவல் தேடினோம். அப்போது, அதன் விலை தோராயமாக, இந்திய ரூபாய் மதிப்பில் ரூ.13,000 முதல் ரூ.15,000 வரை விற்கப்படுவதாக, நமக்கு தெரியவந்தது. 

இதன்மூலமாக, செயல்பாட்டில் இல்லாத இணையதளத்தின் விற்பனை விவரத்தை ஸ்கிரின்ஷாட் எடுத்து, அரசியல் உள்நோக்கத்துடன் வேண்டுமென்றே ராகுல் காந்தி பற்றி வதந்தி பரப்புகிறார்கள் என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram