குரூப் டான்ஸ் ஆடும் சீமான் என்று பரவும் வீடியோ உண்மையா?

‘’குரூப் டான்ஸ் ஆடும் சீமான்,’’ என்று கூறி, சமூக வலைதளங்களில் பகிரப்படும் ஒரு வீடியோ பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ அதிபரை இப்படி குரூப்ல டூப் போல அட விட்டுட்டீங்களே பாவி…😱😡😡😡 neenga atha pathingala? Paththa Sollathinga,’’ என்று எழுதப்பட்டுள்ளது.

Claim Link 1 l Claim Link 2 l Claim Link 3

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். முதலில், நாம் இதுதொடர்பாக நாம் தமிழர் கட்சி தரப்பில் விசாரித்தபோது, ‘’இது எடிட் செய்யப்பட்ட வீடியோ. இதில் வரும் சீமான் முகம் உண்மையானதல்ல,’’ என்று தெரிவித்தனர்.

அடுத்தப்படியாக, உண்மையான வீடியோவை பார்வையிட்டோம். அதில், சீமான் என்று குறிப்பிடப்படும் இடத்தில், வேறொரு நபர் நடனமாடுவதைக் கண்டோம்.

உண்மையான வீடியோ காட்சியையும், நாம் ஆய்வுக்கு எடுத்துக் கொண்ட காட்சியில் உள்ள முகத்தையும் ஒப்பீடு செய்து, கீழே இணைத்துள்ளோம்.

எனவே, நாம் ஆய்வுக்கு எடுத்துக் கொண்ட வீடியோவில் வரும் சீமான் முகம் எடிட் செய்யப்பட்ட ஒன்று, என சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.