சிரிச்சிட்டு போஸ் கொடுக்கும் விஜய் என்று பரவும் வீடியோ தற்போது எடுக்கப்பட்டதா?

‘’சிரிச்சிட்டு போஸ் கொடுக்கும் விஜய்,’’ என்று கூறி, சமூக வலைதளங்களில் பகிரப்படும் ஒரு வீடியோ தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ நீ எல்லாம் மனுசனே இல்லடா..?
இதுக்கு என்னடா முட்டு கொடுக்கப் போறீங்க தவிட்டு தற்குறகளா..?
திரிஷா வீட்டு நா**ய்க்கு கொடுக்கற மரியாதைய கூட தன் ரசிகர்களுக்கு கொடுக்க மாட்டேங்கிறான்…
40 பேர் செ**த்த பிறகும் சிரிச்சிட்டு போஸ் கொடுத்துட்டு மனம் கணக்கிறது வெக்கமே இல்லாம tweet போடறான்…
உண்மையா அழுவுற மனுஷனை கிண்டல் பண்றீங்க..?,’’ என்று எழுதப்பட்டுள்ளது. 

Claim Link 1 l Claim Link 2 l Claim Link 3 

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இந்த வீடியோவுக்கும், சமீபத்தில் விஜய் கரூர் சென்றபோது ஏற்பட்ட கூட்ட நெரிசலுக்கும் எந்த தொடர்பும் இல்லை, என்று தெரியவந்தது. ஆம், கடந்த செப்டம்பர் 20, 2025 தேதி முதலே இந்த வீடியோ சமூக வலைதளங்களில் காணப்படுகிறது. ஆனால், கரூர் துயர சம்பவம் செப்டம்பர் 27, 2025 அன்று ஏற்பட்ட ஒன்றாகும். 

Link 1 l Link 2 

இதன்படி, செப்டம்பர் 19, 2025 அன்று திருவாரூர், நாகப்பட்டினம் உள்ளிட்ட இடங்களில் விஜய் பிரசாரம் மேற்கொண்டார். அதன்பிறகு, அன்று நள்ளிரவு சென்னைக்கு தனி விமானம் மூலமாக திரும்பினார். அப்போது எடுக்கப்பட்ட வீடியோவை வேண்டுமென்றே தற்போது நடந்ததுபோன்று சிலர் பரப்புகிறார்கள். 

Times of India l DT Next l Mathrubhumi

எனவே, நாம் ஆய்வுக்கு எடுத்துக் கொண்ட வீடியோ பதிவு, அரசியல் உள்நோக்கத்துடன் பகிரப்படும் வதந்தி, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram