பாஜக நிர்வாகி செல்வக்குமார் சொல்லிக் கொடுத்ததையே ட்விட்டரில் பகிர்ந்தேன் என்று உமா கார்க்கி கூறினாரா?

‘’ பாஜக நிர்வாகி செல்வக்குமார் சொல்லிக் கொடுத்ததையே ட்விட்டரில் பகிர்ந்தேன்’’ என்று உமா கார்க்கி கூறியதாக, சமூக வலைதளங்களில் பகிரப்படும் ஒரு செய்தி பற்றி ஆய்வு செய்தோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் வழியே (+919049044263 & +919049053770) அனுப்பி, உண்மையா என்று சந்தேகம் கேட்டனர். 

Claim Link l Archived Link 

பலரும் இந்த செய்தியை உண்மை என நம்பி, ஷேர், கமெண்ட் செய்து வருகின்றனர். 

உண்மை அறிவோம்:

தி.மு.க தலைவர் கருணாநிதி, பெரியார், முதலமைச்சர் ஸ்டாலின், திமுக அமைச்சர்கள் குறித்து அவதூறு கருத்துகளை பரப்பியதாக பா.ஜ.க., ஆதரவாளர் உமா கார்த்திகேயன் (உமா கார்க்கி26) கைது செய்யப்பட்டார். 

tamil.indianexpress link l tamil.abplive link 

இந்நிலையில், கைதான உமா கார்க்கி ‘’நான் ட்விட்டரில் பதிவிட்ட கருத்துகள் அனைத்தும் பாஜக நிர்வாகி செல்வக்குமார் என்பவர் சொல்லிக் கொடுத்ததுதான் என்று போலீசில் கூறியதாகக் குறிப்பிட்டு மேற்கண்ட வகையில் தந்தி டிவி லோகோவுடன் ஒரு நியூஸ் கார்டை சிலர் பகிர்ந்து வருகின்றனர். ஆனால், இது உண்மையானதல்ல. 

இதுதொடர்பாக, நாம் தந்தி டிவி டிஜிட்டல் பிரிவு நிர்வாகியிடம் பேசி உறுதிப்படுத்தியுள்ளோம்.  

மேலும், செல்வக்குமார் ‘இது போலியான செய்தி’, என்றும் கூறியுள்ளார். அதனையும் கீழே இணைத்துள்ளோம். 

இந்த ₹200 அல்லக்கைகளுக்கு தினசரி ஒரு fake news கார்டு போடுவதே பொழப்பா இருக்கும் போல. 😂 pic.twitter.com/wIxpEvaSLC

— Selva Kumar (மோடியின் குடும்பம்) (@Selvakumar_IN) June 24, 2023

எனவே, நாம் ஆய்வுக்கு எடுத்துக் கொண்ட செய்தி தவறான ஒன்று என சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram