சில்க் ஸ்மிதாவுடன் அமர்ந்திருக்கும் சீமான் என்று பரவும் புகைப்படம் உண்மையா?

‘’சில்க் ஸ்மிதாவுடன் அமர்ந்திருக்கும் சீமான்,’’ என்று கூறி, சமூக வலைதளங்களில் பகிரப்படும் ஒரு புகைப்படம் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ நடிகை சில்க் ஸ்மிதாவுடன் அமர்ந்திருப்பவர் யார் என்று தெரிந்தால் கமெண்ட் செய்யுங்கள்🤔🤔🤔,’’ என்று எழுதப்பட்டுள்ளது. 

Claim Link 1 l Claim Link 2 l Claim Link 3    

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர்.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இது ஒரு எடிட் செய்யப்பட்ட புகைப்படம் என்று தெரியவந்தது. 

ஆம், இந்த படத்தில் AV Bhaskar என்ற வாட்டர்மார்க் உள்ளது. 

இதன் அடிப்படையில் தகவல் தேடியபோது, AV Bhaskar என்ற புகைப்படக் கலைஞர் கடந்த 1983ம் ஆண்டு குமுதம் ஊடகத்திற்காக, நடிகை சில்க் ஸ்மிதா மற்றும் கமல்ஹாசன் தந்தை ஸ்ரீனிவாசன் ஆகியோரை படம் எடுத்துள்ளார். 

இந்த படங்களை சில காரணங்களுக்காக, அப்போது வெளியிடவில்லை என்றும், தற்போது இவற்றை பகிர்வதாகக் கூறி 2015ம் ஆண்டு, AV Bhaskar ஃபேஸ்புக்கில் பதிவு ஒன்றை வெளியிட்டுள்ளார். 

மேலும், குமுதம் ஊடகத்தில் வெளியிடுவதற்காக, வேறொரு படம் எடுத்ததாகவும், AB Bhaskar ஃபேஸ்புக்கில் குறிப்பிட்டுள்ளார். 

இதன்மூலமாக, சில்க் ஸ்மிதாவின் பழைய புகைப்படம் ஒன்றை எடுத்து, யாரோ ஒருவர் சமூக வலைதளங்களில் பகிர, அதனை மற்றவர்கள் வேண்டுமென்றே எடிட் செய்து, சீமான் பெயரில் வதந்தி பரப்புகிறார்கள் என்று நமக்கு, தெளிவாகிறது. 

உண்மையான புகைப்படத்தையும், எடிட் செய்த புகைப்படத்தையும் ஒப்பீடு செய்து, கீழே இணைத்துள்ளோம். 

இதுதொடர்பாக, நாம் தமிழர் கட்சி தரப்பிலும் பேசி, உறுதிப்படுத்தியுள்ளோம். 

எனவே, நாம் ஆய்வுக்கு எடுத்துக் கொண்ட புகைப்படம், உண்மையானதல்ல, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram