அதிமுக தலைவர்களுக்கு விஜய் ரசிகர்கள் கொலை மிரட்டல் என்று பரவும் வீடியோ தற்போது எடுக்கப்பட்டதா?

‘’அதிமுக தலைவர்களுக்கு விஜய் ரசிகர்கள் கொலை மிரட்டல்’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு செய்தோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ அதிமுகவில் ஒருத்தன் உயிரோட இருக்க மாட்டிங்க. அருவாவோடு விஜய் ரசிகர்கள்.. விஜய் மாநாடு போடும் முன் மண்ணள்ளி போடும் அணில்கள். விஜய் அரசியல் வாழ்க்கை சோலிய முடிக்க போகும் தம்பிகள்,’’ என்று எழுதப்பட்டுள்ளது. 

Claim Link 1 l Claim Link 2 l Claim Link 3 l Claim Link 4

இதே வீடியோவை தந்தி டிவியும் அதன் சமூக வலைதள பக்கங்களில் பகிர்ந்துள்ளது. 

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். இந்த வீடியோவில் பேசும் இளைஞர்கள், அதிமுக அமைச்சர்களை நேரடியாக மிரட்டுகின்றனர். ஆனால், தற்போது திமுக ஆட்சிதான் தமிழ்நாட்டில் நடைபெறுகிறது. 

மேலும், இது பழைய வீடியோ என்று குறிப்பிட்டு, சிலர் கமெண்ட் பகிர்ந்ததையும் கண்டோம். 

இவற்றின் அடிப்படையில் நாம் கூடுதல் செய்தி ஆதாரங்களை தேடினோம். அப்போது, 2018ம் ஆண்டு வெளியான செய்திதான் என்பதற்கான ஆதாரம் நமக்கு கிடைத்தது. 

இதன்படி, விஜய் நடிப்பில் 2018ம் ஆண்டு வெளியான சர்கார் படத்தில், தமிழ்நாடு அரசின் இலவச திட்டங்களை விமர்சித்து, காட்சிகள் அமைக்கப்பட்டிருந்தன. இதனை பார்த்த விஜய் ரசிகர்கள், அரசு கொடுத்த இலவச பொருட்களை தூக்கி எறிவது போல, சமூக வலைதளங்களில் வீடியோ பகிர்ந்தனர். இதற்கு அப்போது ஆட்சியில் இருந்த அதிமுக அமைச்சர்கள் சிலர் கண்டனம் தெரிவித்தனர். இதனால், அதிமுகவினருக்கும், விஜய் ரசிகர்களுக்கும் இடையே கருத்து மோதல் ஏற்பட்டது. இதன் ஒருபகுதியாக, சென்னையைச் சேர்ந்த லிங்கதுரை, சஞ்சய் ஆகியோர் அரிவாளை சுழற்றியபடி மோசமான வார்த்தைகளில் அதிமுக அமைச்சர்களை மிரட்டி, ஒரு வீடியோவை வெளியிட்டனர். இதன்பேரில் அப்போதே சைபர் க்ரைம் போலீசார் வழக்குப்பதிந்து, சம்பந்தப்பட்ட நபர்களை கைது செய்தனர்.

இந்த பழைய செய்தியை எடுத்து, தற்போது வேண்டுமென்றே சிலர் பரப்புவதாக, நமக்கு தெளிவாகிறது.  

News 18 Tamil l Indian Express Tamil l One India Tamil l BBC News Tamil

மேலும், இதுபோன்று பழைய செய்தியை மறுபகிர்வு செய்வோர் மீது நடவடிக்கை எடுக்க கோரி அதிமுக சார்பாக, போலீஸ் செய்யப்பட்டுள்ளது. இறுதியாக, தவெக., மற்றும் அதிமுக ஐடி பிரிவிலும் பேசி, உறுதி செய்துள்ளோம்.

Top Tamil News 

எனவே, 2018ம் ஆண்டு வெளியான வீடியோவை எடுத்து, தற்போது விஜய் கட்சி தொட்ங்கிய சூழலில் மறுபகிர்வு செய்து, வதந்தி பரப்புகிறார்கள், என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram