ஜனநாயகன் ரிலீஸ் தாமதம் பற்றி விஜய் வீடியோ வெளியிட்டாரா?

‘‘ஜனநாயகன் தாமதத்தால் அதிர்ச்சியில் இருக்கிறோம்’’, என்று தவெக., விஜய் பேசியதாகக் கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ ஓடியாங்க ஓடியாங்க. தற்குரியோட புது பொட்டி வந்துருக்கு.. 😂,’’ என்று எழுதப்பட்டுள்ளது.

Claim Link 1 l Claim Link 2

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். இதில் வரும் Kalakkal Cinema என்ற லோகோ மற்றும் விஜய் கழுத்தில் உள்ள தவெக., துண்டு, பின்னணியில் உள்ள கண்ணாடி ஜன்னல் போன்றவற்றை வைத்து, தகவல் தேடினோம். அப்போது, இது எடிட் செய்து, பகிரப்படும் வதந்தி, என்று தெரியவந்தது.

இதன்படி, கடந்த 2013ம் ஆண்டு விஜய் நடித்த தலைவா படம் வெளியாவதில் சிக்கல் ஏற்பட்டது. அப்போது, ரசிகர்களுக்கு விளக்கம் அளித்து, விஜய் வீடியோ ஒன்றை வெளியிட்டார்.

கூடுதல் செய்தி ஆதாரம் இதோ…

Behindwoods TV l BBC News தமிழ் l Vikatan

இந்த வீடியோவை எடுத்து, புதியது போன்று சற்று மாறுதல் செய்து, ஜனநாயகன் பட விவகாரத்துடன் தொடர்புபடுத்தி, வதந்தி பரப்புகிறார்கள்.

அடுத்தப்படியாக, நாம் தவெக., தலைமை அலுவலகத்திலும் பேசி, குறிப்பிட்ட வீடியோ உண்மையானதல்ல; AI முறையில் எடிட் செய்யப்பட்டது, என்பதை உறுதிப்படுத்தியுள்ளோம்.

இறுதியாக, Wasitai இணையதளம் உதவியுடன் நாம் ஆய்வுக்கு எடுத்துக் கொண்ட வீடியோ, AI முறையில் தயாரிக்கப்பட்டது, என்று உறுதி செய்துள்ளோம்.

எனவே, நாம் ஆய்வுக்கு எடுத்துக் கொண்ட வீடியோ, எடிட் செய்யப்பட்டது, என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.