கூலி படத்தில் நடித்தது மிகப்பெரிய தவறு என்று ஆமீர் கான் கூறினாரா?

‘’கூலி படத்தில் நடித்தது மிகப்பெரிய தவறு,’’ என்று ஆமீர் கான் கூறியதாக, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’கூலி படத்தில் நடிச்சது நான் செய்த மிகப்பெரிய தவறு- அமீர் கான்,’’ என்று எழுதப்பட்டுள்ளது. 

Claim Link 1 l Claim Link 2 l Claim Link 3  

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது. 

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இதுபோன்ற எந்த கருத்தையும் ஆமிர் கான் கூறவில்லை, என்று தெரியவந்தது. 

ஆம், AI உதவியுடன் யாரோ வேண்டுமென்றே ஆமிர் கான் பேட்டி என்று கூறி, ஆங்கிலத்தில் ஒரு செய்தியை பரப்பியுள்ளனர். இதனை உண்மை என்று நம்பி, தமிழ் உள்ளிட்ட பல்வேறு மொழிகளிலும் பலர் ஷேர் செய்து வருகின்றனர். 

இந்த வதந்தி காட்டுத்தீ போன்று பரவுவதால், உடனடியாக ஆமிர் கான் தரப்பில் மறுப்பு தெரிவிக்கப்பட்டுள்ளது. 

கூடுதல் செய்தி ஆதாரம் இதோ…

NDTV Link l India Today Link 

எனவே, நாம் ஆய்வுக்கு எடுத்துக் கொண்ட தகவல், கூலி படக்குழு பற்றி உள்நோக்கத்துடன் பகிரப்படும் ஒரு வதந்தி, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram