உத்தரப் பிரதேசத்தில் வேலை கோரிய இளைஞர்கள் மீது போலீஸ் தாக்குதல் என்று பரவும் வதந்தி!

‘’உத்தரப் பிரதேசத்தில் வேலை கேட்டு வீதியில் போராடும் இளைஞர்கள் மீது போலீஸ் தாக்குதல்’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு செய்தோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

Claim Link l Archived Link 

இந்த வீடியோ பதிவில், ‘’ உத்திரப்பிரதேசத்தில் தலைவிரித்தாடும் வேலையில்லாத் திண்டாட்டம்! 

வீதியில் போராடும் இளைஞர்கள்! காட்டுமிராண்டித்தனமாக தாக்கிய யோகி ஆதித்தயநாத்தின் போலீஸ்! 

ஜெய் ஸ்ரீராம் 🔥’’ என்று எழுதப்பட்டுள்ளது. 

இதனை பலரும் உண்மை என நம்பி, ஷேர், கமெண்ட் செய்து வருகின்றனர்.  

Tweet Link 

உண்மை அறிவோம்:

மேற்கண்ட வீடியோவில் இருந்து, சில ஃபிரேம்களை பிரித்தெடுத்து, கூகுள் உதவியுடன் ரிவர்ஸ் இமேஜ் தேடல் செய்தோம். அப்போது, இந்த காட்சி Bade Miyan Chote Miyan என்ற இந்தி சினிமா படத்தின் புரோமோஷன் நிகழ்ச்சி தொடர்பானது என்று தெரியவந்தது. 

#WATCH | Ruckus erupted at the promotion event of the film 'Bade Miyan Chote Miyan' featuring actors Akshay Kumar and Tiger Shroff in UP's Lucknow today pic.twitter.com/t8PS0QmP0b

— ANI UP/Uttarakhand (@ANINewsUP) February 26, 2024

இதன்படி, அக்‌ஷய் குமார், டைகர் ஷெரோப் உள்ளிட்டோர் நடித்துள்ள Bade Miyan Chote Miyan படத்தின் விளம்பர நிகழ்ச்சி லக்னோவில் நடைபெற்றது. இதில் பங்கேற்ற அக்‌ஷய் குமார், டைகர் ஷெரோப் ஆகியோரிடம் கை குலுக்கவும், செல்ஃபி எடுக்கவும் ரசிகர்கள் திரண்டனர். இதன்போது, அதிருப்தி அடைந்த ரசிகர்களில் சிலர் செருப்புகளை வீசி தங்களது கோபத்தை வெளிப்படுத்தினர். எனவே, போலீசார் தடியடி நடத்தி கூட்டத்தை கட்டுக்குள் கொண்டுவர நேரிட்டது. 

இதுபற்றி பல்வேறு ஊடகங்களிலும் செய்தி வெளியாகியுள்ளது. 

IndianExpress Link l NDTV Link  

இந்த வீடியோவை எடுத்தே, உத்தரப் பிரதேசத்தில் வேலை கேட்டு வீதியில் போராடும் இளைஞர்கள் மீது போலீஸ் தாக்குதல் என்று கூறி வதந்தி பரப்பியுள்ளனர். 

எனவே, நாம் ஆய்வுக்கு எடுத்துக் கொண்ட வீடியோ பற்றிய தகவல் தவறானது என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram