கேரளாவில் முஸ்லீம் என்பதால் பெண் வேட்பாளரின் கணவர் போட்டோ வைத்து ஓட்டு கேட்டனரா?

‘’கேரளாவில் முஸ்லீம் என்பதால் பெண் வேட்பாளரின் கணவர் போட்டோ வைத்து ஓட்டு கேட்டனர்,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ கேரளாவில் தான் இந்த போஸ்டர் ஒட்டியிருக்காங்க இவருடைய மனைவிக்கு ஓட்டு போடுங்கன்னு இவரு கேக்குறாரு… வேட்பாளர் போட்டோ போடாமல் அவருடைய கணவர் போட்டோ போட்டு ஓட்டு கேக்குறாங்க அதிகம் படிச்சா மாநிலத்தில்.. 🤔🤔🤔எந்த அளவுக்கு மதம் இவர்களை மிருகமாக்கி வைத்துள்ளதுனு பாருங்கள்,’’ என்று எழுதப்பட்டுள்ளது. இதனுடன் புகைப்படம் ஒன்றும் இணைக்கப்பட்டுள்ளது.

Claim Link 1 l Claim Link 2

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இதில் கூறப்படுவது போன்று PPDP என்ற பெயரில் அரசியல் கட்சி எதுவும் இல்லை, என்று தெரியவந்தது.

அடுத்தப்படியாக, கூகுள் உதவியுடன் ரிவர்ஸ் இமேஜ் முறையில் தகவல் தேடினோம். அப்போது, இது Vellaripattanam என்ற மலையாள சினிமா படத்தின் காட்சி, என்று விவரம் கிடைத்தது.

முழு வீடியோ லிங்க் கீழே தரப்பட்டுள்ளது.

எனவே, சினிமா படத்தின் காட்சியை எடுத்து, கேரளாவில் முஸ்லீம் என்பதால் பெண் வேட்பாளரின் போட்டோவுக்குப் பதிலாக, அவரது கணவர் போட்டோ வைத்து ஓட்டு கேட்டதாகக் கூறி வதந்தி பரப்புகிறார்கள், என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.