முருகனுக்கு செருப்பு மாலை அணிவித்து, திமுகவை அரியணையில் அமர்த்துவோம் என்று வீரமணி கூறினாரா?

‘‘முருகனுக்கு செருப்பு மாலை அணிவித்து, திமுகவை அரியணையில் அமர்த்துவோம்,’’ என்று திராவிடர் கழகத் தலைவர் வீரமணி கூறியதாக, சமூக வலைதளங்களில் பரவும் புகைப்படம் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ முருகனை வைத்து அரசியல் செய்பவர்கள் 1971-ல் நடந்ததை ஞாபகபடுத்தி கொள்ளுங்கள். இப்போதும் அதே போல எங்களுக்கு முருகனுக் கும் செருப்பு மாலை அணிவித்து போராட்டம் செய்து திமுகவை அரியணையில் அமர்த்த முடியும்’’ கி.வீரமணி எச்சரிக்கை!!!,’’ என்று எழுதப்பட்டுள்ளது.

Claim Link 1 l Claim Link 2 l Archived Link

News18 Tamil லோகோ உள்ளதால், பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட நியூஸ் கார்டு உண்மையா என்று நாம் ஆய்வு மேற்கொண்டோம். அப்போது, இது News18 Tamil பெயரில் பகிரப்படும் போலியான நியூஸ் கார்டு, என்று தெரியவந்தது.

இதுதொடர்பாக, News18 Tamil ஊடகத்தின் ஆசிரியர் குழுவை தொடர்புகொண்டு கேட்டோம். அப்போது, ‘’குறித்த நியூஸ் கார்டு, வேண்டுமென்றே அரசியல் உள்நோக்கத்துடன் எங்களது பெயரில் பகிரப்படும் வதந்தி. உண்மையல்ல,’’ என்று தெரிவித்தனர்.

எனவே, நாம் ஆய்வுக்கு எடுத்துக் கொண்ட நியூஸ் கார்டு உண்மையானதல்ல, என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.