மோடி பிறந்த நாளை முன்னிட்டு ரூ.5000 பரிசு தரப்படுகிறதா?

‘’மோடி பிறந்த நாளை முன்னிட்டு ரூ.5000 பரிசுத் தொகை அறிவிப்பு’’, என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’பூவின் மீது சொடுக்கி உடனடியாகப் பெறுங்கள். ரூ.5000 உதவி. இந்தச் சலுகை இன்றைக்கு மட்டுமே,’’ என்று எழுதப்பட்டுள்ளது.

Claim Link

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர்.

உண்மை அறிவோம்:

மேற்கண்ட தகவல் உண்மையா என்று தெரிந்துகொள்ள, அதில் தரப்பட்டுள்ள லிங்க் (PMJDY.IND) கிளிக் செய்தோம்.

குறிப்பிட்ட லிங்க், திறந்து பார்த்தபோது, அதில் நமது PayTM , Phone Pe மற்றும் இதர வங்கிக் கணக்கு விவரங்களை கேட்கும்படி வடிவமைக்கப்பட்டிருந்தது.

இந்த லிங்க் கேட்கும் விவரங்களை சமர்ப்பித்தால், நமக்கு பணம் எதுவும் வராது. மாறாக, நமது வங்கிக் கணக்கை ஹேக் செய்து, அதில் இருந்து பணத்தை திருடிக் கொள்வார்கள். இது ஒரு ஸ்பேம். எனவே, யாரும் இதனை உண்மை என நம்பி ஏமாற வேண்டாம் என்று கேட்டுக் கொள்கிறோம்.

இதுதொடர்பாக, பாஜக ஐ.டி. பிரிவு தரப்பில் பேசி உறுதிப்படுத்தியுள்ளோம்.

எனவே, நாம் ஆய்வுக்கு எடுத்துக் கொண்ட தகவல், தவறான ஒன்று, என சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.