வெளி மாநில செய்தி சேனல் விவாத நிகழ்ச்சியில் திமுக நிர்வாகி அடிவாங்கினாரா?

‘’வெளி மாநில செய்தி சேனல் விவாத நிகழ்ச்சியில் அடிவாங்கிய திமுக நிர்வாகி,’’ என்று கூறி, சமூக வலைதளங்களில் பகிரப்படும் ஒரு வீடியோ தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ வெளி மாநில செய்தி சேனல் விவாத நிகழ்ச்சியில் அடிவாங்கிய நிர்வாகி…
தமிழ் நாட்டில் மட்டும் தான் முக பணியாளர்கள் உள்ளனர் அவர்கள் உங்களுக்கு பாதுகாப்பு…
வெளியே போனால் இப்படி தான் நடக்கும் 😁😁😁😁😁 #DMKDestroyedTN #ADMK_TNJ,’’ என்று எழுதப்பட்டுள்ளது.

இதனுடன் டிவி சேனல் விவாத நிகழ்ச்சி ஒன்றில் இரண்டு பேர் தாக்கிக்கொள்வது போன்ற காட்சிகள் கொண்ட வீடியோ ஒன்றும் இணைக்கப்பட்டுள்ளது.

Claim Link 1 l Claim Link 2

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இது தெலுங்கு சேனல் ஒன்றின் விவாத நிகழ்ச்சியில் நிகழ்ந்த சம்பவம், என்று தெரியவந்தது.

இதில் வரும் தெலுங்கு சப் டைட்டில், YOYO TV என்ற லோகோ, பேசும் நபர்கள் அணிந்துள்ள துண்டு போன்றவற்றை அடிப்படையாக வைத்து, ஆய்வு மேற்கொண்டோம்.

இதன்படி, தெலுங்கானாவில் உள்ள Jubilee Hills சட்டமன்ற தொகுதிக்கு, சமீபத்தில் இடைத்தேர்தல் நடைபெற்றது. வாக்குப் பதிவு முடிந்த சூழலில், நவம்பர் 18 அன்று, YOYO TV விவாத நிகழ்ச்சி ஒன்றை நடத்தியது. இதில் பங்கேற்ற காங்கிரஸ் மற்றும் பாஜக ஆதரவாளர்கள் இடையே திடீரென மோதல் ஏற்பட்டு, ஒருவரை ஒருவர் தாக்கிக் கொண்டனர்.

இதுதொடர்பான வீடியோ சமூக வலைதளங்களில் பரவிய நிலையில் இந்த காட்சியை எடுத்து, திமுக நிர்வாகி அடிவாங்கியதாகக் குறிப்பிட்டு வதந்தி பரப்புகிறார்கள், என்று நமக்கு தெளிவாகிறது.

News 18 Link l ABP Live Tamil Link

எனவே, நாம் ஆய்வுக்கு எடுத்துக் கொண்ட வீடியோவுக்கும், திமுக.,வுக்கும் எந்த சம்பந்தமும் இல்லை, என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.