ஹிந்து பெண்கள் அரபு நாடுகளில் விற்கப்படுவதை தடுத்த ஹிந்து இளைஞர் என்று பரவும் வீடியோ உண்மையா?

‘’ஹிந்து பெண்கள் அரபு நாடுகளில் விற்கப்படுவதை தடுத்த ஹிந்து இளைஞர்’’, என்று கூறி, சமூக வலைதளங்களில் பகிரப்படும் ஒரு வீடியோ பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ இந்த மண்ணின் அசல் வித்துக்களான எம் ஹிந்து சொந்தங்களுக்கான எச்சரிக்கைப் பதிவு… 👇

வெளிநாட்டில் வேலை என ஏமாற்றி ஹிந்து பெண்களை அரபு நாடுகளில் விற்கப்படுவதை தடுத்த ஒரு ஹிந்து இளைஞர்.’’ என்று எழுதப்பட்டுள்ளது. 

Claim Link 1 l Claim Link 2 l Claim Link 3   

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இந்த வீடியோவின் ஒரு காட்சியில், Disclaimer என்று எழுதப்பட்டுள்ளதைக் கண்டோம். 

இதன் அடிப்படையில் தொடர்ந்து தகவல் தேடியபோது, Naveen Jangra என்ற யூடியுப் பக்கத்தில் மேற்கண்ட வீடியோ முதலில் பகிரப்பட்டிருந்ததைக் கண்டோம். 

முழு வீடியோ லிங்க் இதோ… 

இதன்படி, விழிப்புணர்வு நோக்கில் எடுக்கப்பட்ட வீடியோவை பலரும் உண்மை என நம்பி சமூக வலைதளங்களில் ஷேர் செய்து வருவதாக, நமக்கு தெளிவாகிறது. 

இதேபோன்று விழிப்புணர்வுக்காக எடுக்கப்பட்ட பல வீடியோக்கள் குறிப்பிட்ட யூடியுப் சேனலில் இடம்பெற்றுள்ளன. 

எனவே, நாம் ஆய்வுக்கு எடுத்துக் கொண்ட வீடியோ உண்மையானதல்ல; சித்தரிக்கப்பட்ட ஒன்று, என சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram