உத்தர பிரதேச துணை முதலமைச்சர் கேஷவ் பிரசாத் மவுரியா பற்றி பரவும் வதந்தியால் சர்ச்சை… 

‘’உத்தரப்பிரதேச மாநிலத்தில் தடையை மீறி அசைவம் உண்பவர்களை கண்டுபிடிக்க ட்ரோன்கள் மற்றும் மோப்ப நாய்கள் கொண்ட சிறப்பு கண்காணிப்பு குழுக்கள் அமைக்கப்பட்டுள்ளன’’ என்று உத்தர பிரதேச துணை முதலமைச்சர் கேஷவ் பிரசாத் மவுரியா கூறியதாக, சமூக வலைதளங்களில் பகிரப்படும் ஒரு தகவல் பற்றி ஆய்வு செய்தோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

‘’உத்தரப்பிரதேச மாநிலத்தில் தடையை மீறி அசைவம் உண்பவர்களை கண்டுபிடிக்க ட்ரோன்கள் மற்றும் மோப்ப நாய்கள் கொண்ட சிறப்பு கண்காணிப்பு குழுக்கள் அமைக்கப்பட்டுள்ளன- உத்தர பிரதேச துணை முதலமைச்சர் கேஷவ் பிரசாத் மவுரியா,’’ என்று எழுதப்பட்டுள்ளது. 

ABP Nadu லோகோ உள்ளதால், பலரும் இதனை உண்மை என நம்பி, ஷேர் செய்து வருகின்றனர்.  

உண்மை அறிவோம்:

அயோத்தியில் புதியதாக, ராமர் கோயில் கட்டப்பட்டுள்ளது. அதில், ராம் லல்லா சிலை பிரதிஷ்டை செய்யும் நிகழ்வு வெகு விமரிசையாக நடைபெற்றது. 

இதையொட்டி, 22/01/2024 அன்று மட்டும் உத்தரப்பிரதேசம், மத்திய பிரதேசம், ஹரியானா, குஜராத், சத்தீஸ்கர் உள்ளிட்ட பாஜக ஆளும் மாநிலங்களில் அசைவம் விற்க தடை விதிக்கப்பட்டுள்ளது. 

Timesofindia Link 

இந்த சூழலில், உத்தர பிரதேச துணை முதலமைச்சர் கேஷவ் பிரசாத் மவுரியா இவ்வாறு பேசியதாகப் பரவும் செய்தி பற்றி தகவல் தேடினோம். ஆனால், எந்த விவரமும் கிடைக்கவில்லை.  

இதுதொடர்பாக, ABP Nadu டிஜிட்டல் பிரிவை தொடர்பு கொண்டு கேட்டபோது, ‘’இதனை நாங்கள் வெளியிடவில்லை,’’ என்றனர். 

அடுத்தப்படியாக, அவர்களது ஃபேஸ்புக் பக்கத்தில் தகவல் தேடியபோது, உண்மையான நியூஸ் கார்டு லிங்க் கிடைத்தது. 

இது ராமர் கோயில் மட்டுமல்ல, தேசிய ஒருமைப்பாட்டைக் குறிக்கும் தேசியக் கோயிலாகும் – உ.பி. துணை முதல்வர் கேஷவ் பிரசாத் மவுர்யாhttps://t.co/wupaoCz9iu | #UttarPradesh #RamMandir #KeshavPrasadMaurya pic.twitter.com/zeLMryu5PO

— ABP Nadu (@abpnadu) January 18, 2024

இந்த நியூஸ் கார்டை எடிட் செய்துதான் வதந்தி பரப்புகிறார்கள் என்று உறுதியாகிறது. 

உண்மையான நியூஸ் கார்டையும், போலியான நியூஸ் கார்டையும் ஒப்பீடு செய்து கீழே இணைத்துள்ளோம். 

எனவே, நாம் ஆய்வுக்கு எடுத்துக் கொண்ட செய்தி தவறானது என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram