ஜனநாயகன் ரிலீஸ் தாமதம்; மொட்டை போட்ட ரசிகைக்கு விக் வழங்கப்பட்டதா?

‘‘ஜனநாயகன் படம் தாமதம் இன்றி ரிலீஸ் செய்ய கேட்டு, மொட்டை போட்ட ரசிகைக்கு விக் வழங்கப்பட்டது’’, என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ ஜனநாயகன் படம் நல்லபடியாக ரிலீஸ் ஆகவேண்டும் என்று ஒரு விஜய் ரசிகை மொட்டை அடித்துக் கொண்டார் அவருக்கு கட்சி சார்பாக வீக் வழங்கப்பட்டது ஆனால் அது கருப்பாக இல்லை என அணிய மறுத்துவிட்டார்..!,’’ என்று எழுதப்பட்டுள்ளது.

Claim Link

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, AI முறையில் தயாரிக்கப்பட்ட படம், என்று தெரியவந்தது. Google Gemini லோகோ இதில் இடம்பெற்றுள்ளது.

அடுத்தப்படியாக, உண்மையான செய்தியின் லிங்க் கிடைத்தது.

கூடுதல் செய்தி ஆதாரம் இதோ…

Link 1 l Link 2 l Link 3

இதன்படி, சென்னையில் ஜனநாயகன் திரைப்படத்திற்கு நல்ல தீர்ப்பு வர வேண்டும், என்று பெண் ரசிகை ஒருவர், குல தெய்வ கோவிலில் முடியை காணிக்கை செலுத்தினார். அதுபற்றிய புகைப்படம் ஒன்றை எடுத்து, AI உதவியுடன் எடிட் செய்து, பரப்புகிறார்கள்.

அடுத்தப்படியாக, தவெக., தலைமை அலுவலகத்திலும் பேசி, குறிப்பிட்ட புகைப்படம் உண்மையானதல்ல; AI முறையில் எடிட் செய்யப்பட்டது, என்பதை உறுதிப்படுத்தியுள்ளோம்.

இறுதியாக, Wasitai இணையதளம் உதவியுடன் நாம் ஆய்வுக்கு எடுத்துக் கொண்ட புகைப்படம், AI முறையில் தயாரிக்கப்பட்டது, என்று உறுதி செய்துள்ளோம்.

எனவே, நாம் ஆய்வுக்கு எடுத்துக் கொண்ட புகைப்படம் AI எடிட் செய்யப்பட்டது, என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.