கங்கனா ரனாவத் மற்றும் யோகி ஆதித்யநாத் கட்டிப்பிடித்துக் கொண்டனரா?

‘’கங்கனா ரனாவத் மற்றும் யோகி ஆதித்யநாத் கட்டிப்பிடித்துக் கொண்ட காட்சி,’’ என்று கூறி, சமூக வலைதளங்களில் பகிரப்படும் ஒரு வீடியோ பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ BJP – #முதலமைச்சர்
இவ்வளவு சலுகைகள் இருந்தால் பலருக்கு பிரம்மச்சாரியாக ஆக வேண்டும் என்று ஆசை வந்து விடும்
#jegajananda

Happy Wedding Anniversary ,’’ என்று எழுதப்பட்டுள்ளது. 

இதனுடன், கங்கனா ரனாவத் மற்றும் யோகி ஆதித்யநாத் கட்டிப்பிடிப்பது போன்ற வீடியோ ஒன்றும் இணைக்கப்பட்டுள்ளது. 

Claim Link 1 l Claim Link 2     

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்:

மேற்கண்ட வீடியோ உண்மையா என்று நாம் ஆய்வு மேற்கொண்டோம். அப்போது, இது AI தொழில்நுட்பம் பயன்படுத்தி, தயாரிக்கப்பட்டது, தெரியவந்தது. ஆம், நாம் ஆய்வு செய்யும் வீடியோவிலேயே Hailuo AI என்ற வாட்டர்மார்க் உள்ளது. இது AI வீடியோ தயாரிக்க உதவும் இணையதளம். இதனை பயன்படுத்தியே குறிப்பிட்ட வீடியோவை உருவாக்கியுள்ளனர். 

Hailuo AI இணையதளம் மூலமாக, நாமும் முயற்சி செய்தபோது, இதேபோன்று கங்கனா ரனாவத் மற்றும் யோகி ஆதித்யநாத் கட்டிப்பிடிக்கும் காட்சியை உருவாக்க முடிந்தது. 

இதுதொடர்பாக, நமது Fact Crescendo Malayalam ஏற்கனவே விரிவான ஃபேக்ட்செக் ஒன்றை வெளியிட்டுள்ளது. ஆதாரத்திற்காக, அதனையும் இங்கே இணைத்துள்ளோம். 

இதுதவிர, யோகி ஆதித்யநாத் மற்றும் கங்கனா ரனாவத் இடையே மரியாதை நிமித்தமாக, நடைபெற்ற சந்திப்பு பற்றி உத்தரப்பிரதேச முதலமைச்சர் அலுவலகம் X வலைதளத்தில் வெளியிட்ட பதிவையும் இணைத்துள்ளோம்.   

இந்த புகைப்படத்தை பயன்படுத்தியே AI மூலமாக தவறான வீடியோவை தயாரித்து வதந்தி பரப்புகிறார்கள், என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram