ஜெர்மனியில் 25,000 ஆண்டுகள் பழமையான சிவ லிங்கம் கண்டுபிடிக்கப்பட்டதா?

ஜெர்மனியில் கண்டுபிடிக்கப்பட்ட பழமையான சிவ லிங்கம் என்று குறிப்பிட்டு சமூக வலைதளங்களில் பகிரப்படும் தகவல் ஒன்றை காண நேரிட்டது. இதன் நம்பகத்தன்மை பற்றி ஆய்வு செய்தோம்.

தகவலின் விவரம்:

மேற்கண்ட ஸ்கிரின்ஷாட் ஒன்றை வாசகர்கள் சிலர் +91 9049053770 என்ற நமது வாட்ஸ்ஆப் சாட்போட் எண்ணிற்கு அனுப்பி உண்மையா எனக் கேட்டனர். இதனை பலரும் ஃபேஸ்புக்கில் உண்மை போல நம்பி ஷேர் செய்வதைக் கண்டோம்.

உண்மை அறிவோம்:
இதுபற்றி நாம் தகவல் தேடியபோது இந்த புகைப்படத்தில் இருப்பது ஒரு செக்ஸ் பொம்மை என தெரியவந்தது. ஜெர்மனி நாட்டில் நிகழ்ந்த தொல்லியல் ஆராய்ச்சி ஒன்றில், இந்த பொம்மை கிடைத்தது என்றும், இதுபற்றி ஆய்வு செய்ததில், இது கிட்டத்தட்ட 26,000 – 30,000 ஆண்டுகள் வரை பழமையான ஒன்றும் உறுதிப்பட்டுள்ளதாக, ஆய்வாளர்கள் குறிப்பிட்டுள்ளனர். 8 இன்ச் நீளம் உள்ள இந்த பொம்மையை பழங்கால மனிதர்கள் குறிப்பாக பெண்கள் பாலியல் தேவைக்காகப் பயன்படுத்தியிருக்கலாம் என்றும் அந்த ஆய்வு முடிவுகள் தெரிவிக்கின்றன.

BBC Article Link I leo-bw.de link I huffingtonpost link I theregister link

எனினும், இந்த செக்ஸ் உபகரணம், இவ்வளவு ஆண்டுகள் பழமையானது என்பதை ஏற்க முடியவில்லை என்று, சில ஆய்வுக் கட்டுரைகள் சுட்டிக் காட்டுகின்றன. காரணம், இதனை செக்ஸ் தேவைக்காக பயன்படுத்தியிருப்பார்களா அல்லது வேறு ஏதேனும் தேவைக்காகச் செய்யப்பட்ட ஒரு கைவினைப் பொருளை எடுத்து, பார்ப்பதற்கு இன்றைய டில்டோ போல உள்ளதால், நாம் தவறான ஒப்பீடு செய்கிறோமோ என்றும், அந்த ஆய்வுக் கட்டுரைகள் சந்தேகம் எழுப்புகின்றன.

snopes.com link

இறுதியாக, சிலர் வேண்டுமென்றே இந்து மத ஆதரவாளர்களைக் கேலி செய்யும் நோக்கில் ஜெர்மனியில் கிடைத்த சிவ லிங்கம் என்று, சமூக வலைதளங்களில் பகிர்ந்து வருகின்றனர். இதனை மற்றவர்கள் உண்மை என நம்பி மற்றவர்களுக்குப் பகிர வேண்டாம் என்று கேட்டுக் கொள்கிறோம்.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram