‘பேசாமல் ஏமாற்றிய எங்கள் தலைவா,’ என்று விஜய் முன்பாக தவெக நிர்வாகி பேசினாரா?

‘’பேசாமல் ஏமாற்றிய எங்கள் தலைவா,’’ என்று விஜய் பற்றி தவெக நிர்வாகி விமர்சனம் கூறியதாக, சமூக வலைதளங்களில் பகிரப்படும் ஒரு வீடியோ தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ பேசிப் பேசி ஏமாற்றிய தலைவர்களுக்கு முன்னால் பேசாமல் ஏமாற்றிய எங்கள் தலைவா

பின்றியேடா.. 🤣🤣🤣🤣

தவெக செவ்வாய் கிரகத்து செய்தி தொடர்பாளர் போஸ்ட் உனக்குத்தா பொருத்தமா இருக்கும்,’’ என்று எழுதப்பட்டுள்ளது. 

Claim Link 1 l Claim Link 2       

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இந்த வீடியோ எடிட் செய்யப்பட்டது, என்று தெரியவந்தது. நாம் ஆய்வு செய்யும் வீடியோவில், ‘’பேசிப் பேசியே ஏமாற்றிய தலைவர்களுக்கு முன்னால், பேசாமல் ஏமாற்றிய எங்கள் தலைவா,’’ என்று தவெக., நிர்வாகி ஒருவர் விஜய் முன்பாக, மேடையில் பேசுவது போன்ற காட்சி இடம்பெற்றுள்ளது. 

மேலும், இதில் மாமல்லபுரம் என்று இடத்தின் பெயரும் polimer news என்ற லோகோவும் உள்ளது. இதன் அடிப்படையில் தகவல் தேடினோம். 

முதலில், polimer news ஆசிரியர் குழுவில் கேட்டபோது, ‘’நாங்கள் வெளியிட்ட செய்தியை எடுத்து, குரலை மட்டும் எடிட் செய்து, இவ்வாறு வதந்தி பரப்புகிறார்கள். உண்மையான வீடியோவில் தஞ்சாவூர் மத்திய மாவட்ட தவெக செயலாளர் தஞ்சை ஆர்.விஜய் சரவணன் பேசிய கருத்து வேறொன்றாகும்,’’ என்று தெரிவித்தனர். 

இதன்படி, உண்மையான வீடியோவில், ‘’பேசிப் பேசியே ஏமாற்றிய தலைவர்களுக்கு முன்னால், பேசாமல் புரட்சி செய்யும் எங்கள் தலைவா,’’ என்று தஞ்சை ஆர்.விஜய் சரவணன் பேசியுள்ளார். 

எனவே, தஞ்சை ஆர்.விஜய் சரவணன் பேச்சை எடுத்து, வேண்டுமென்றே எடிட் செய்து, அரசியல் உள்நோக்கத்துடன் வதந்தி பரப்புகிறார்கள், என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram