FactCheck: மு.க.ஸ்டாலின் டெல்லி சென்றபோது கார் டயரில் எலுமிச்சை பழம் வைக்கப்பட்டதா?

‘’மு.க.ஸ்டாலின் சென்றபோது கார் டயரில் எலுமிச்சை பழம் வைக்கப்பட்டது,’’ என்று கூறி சமூக வலைதளங்களில் பகிரப்படும் தகவல் ஒன்றை காண நேரிட்டது. இதன் நம்பகத்தன்மை பற்றி ஆய்வு செய்ய தீர்மானித்தோம்.

தகவலின் விவரம்:

தமிழ்நாடு முதலமைச்சர் மு.க.ஸ்டாலின் டெல்லி சென்றிருந்தபோது, அவர் பயன்படுத்திய காரின் டயர்களில் எலுமிச்சை பழம் வைக்கப்பட்டதாக, இதில் குறிப்பிட்டுள்ளனர்.

குறிப்பிட்ட ஸ்கிரின்ஷாட்டை வாசகர் ஒருவர் +91 9049053770 என்ற நமது வாட்ஸ்ஆப் சாட்போட் எண்ணிற்கு அனுப்பி உண்மையா என்று கேட்டிருந்தார். இதன்பேரில், ஃபேஸ்புக்கில் தகவல் தேடியபோது, அங்கும் இதனைப் பலரும் உண்மை என நம்பி ஷேர் செய்வதைக் கண்டோம்.

Facebook Claim Link

Archived Link

உண்மை அறிவோம்:
இவர்கள் குறிப்பிடுவதைப் போல, மு.க.ஸ்டாலின் சென்றிருந்தபோது, கார் டயரில் எலுமிச்சை பழம் வைக்கப்பட்டதா என்றால், இல்லை என்பதே பதில். ஆம், இதுபற்றி சம்பந்தப்பட்ட எலுமிச்சை பழம் வைக்கப்பட்ட கார் புகைப்படத்தை எடுத்த செய்தியாளரே நேரடியாக விளக்கம் அளித்து, ட்வீட் வெளியிட்டிருக்கிறார்.

Fact Check!

முதல்வர் ஸ்டாலின் டெல்லியில் பயன்படுத்திய காரின் டயருக்கடியில் எலுமிச்சம்பழம் வைக்கப்பட்டிருக்கிறது இதுதான் பகுத்தறிவா என கேள்வி எழுப்பி நிறைய பேர் இந்த புகைப்படத்தை பகிர்கின்றனர்

எடப்பாடியார் டெல்லி வந்திருந்தபோது எடுக்கப்பட்ட படம் இது. இதையடுத்து நான்தான். pic.twitter.com/wJ5dqpMxxC

— Niranjan kumar (@niranjan2428) June 18, 2021

Archived Link

புதிய தலைமுறை ஊடகத்தின் டெல்லி செய்தியாளர் நிரஞ்சன் குமார், இந்த புகைப்படத்தை எடுத்தவர் ஆவார். அவரே இந்த எலுமிச்சை பழம் வைக்கப்பட்ட புகைப்படம், எடப்பாடி பழனிசாமி டெல்லி வந்தபோது எடுத்தது என்றும், தற்போதைய ஸ்டாலின் வருகையின்போது எடுத்த புகைப்படம் வேறு ஒன்று எனவும் குறிப்பிட்டிருக்கிறார்.

அவர் கூறுவதுதான் உண்மை. ஆம், குறிப்பிட்ட எலுமிச்சை பழம் வைக்கப்பட்ட காரின் பதிவெண் (DL 9CT 5858) மற்றும் ஸ்டாலின் டெல்லி சென்றபோது பயன்படுத்திய காரின் பதிவெண் (DL 9C F 0900 ) இரண்டும் வெவ்வேறாக இருப்பதையும் காணலாம். இரண்டு புகைப்படங்களையும் ஒப்பீடு செய்து, கீழே இணைத்துள்ளோம்.

இதுதவிர எலுமிச்சை பழம் வைக்கப்பட்ட காரின் முகப்பில் ஜெயலலிதாவின் புகைப்படம் வைக்கப்பட்டிருப்பதையும் காண முடிகிறது.

எனவே, எடப்பாடி பழனிசாமி டெல்லி சென்றபோது, எடுக்கப்பட்ட புகைப்படத்தை தற்போது மு.க.ஸ்டாலினின் டெல்லி பயணத்துடன் தொடர்புபடுத்தி பகிர்ந்து வருகின்றனர் என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் நாம் ஆய்வு மேற்கொண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel