திருப்பரங்குன்றத்தில் தீபம் ஏற்றுவதை தடை செய்யும் சட்ட மசோதா கொண்டுவரப்படும் என்று கிருத்திகா தங்கபாண்டி கூறினாரா?  

‘‘திருப்பரங்குன்றத்தில் தீபம் ஏற்றுவதை தடை செய்யும் சட்ட மசோதா கொண்டுவரப்படும்,’’ என்று திமுக வேட்பாளர் கிருத்திகா தங்கபாண்டி கூறியதாக, சமூக வலைதளங்களில் பரவும் தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ மீண்டும் திமுக தலைமையிலான அரசு அமையும்போது திருப்பரங்குன்றம் தர்ஹா மாண்பு பேணி காக்கும் விதமாக தீபம் ஏற்றுவதை தடை செய்யும் விதமான சட்ட மசோதா கொண்டுவரப்படும்- திருப்பரங்குன்றம் திமுக வேட்பாளர் கிருத்திகா தங்கபாண்டி வாக்குறுதி.,’’ என்று எழுதப்பட்டுள்ளது. 

Claim Link 1 l Claim Link 2 l Claim Link 3 l Archived Link        

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது. 

உண்மை அறிவோம்:

மேற்கண்ட நியூஸ் கார்டு உண்மையா என்று நாம் ஆய்வு மேற்கொண்டோம். அப்போது, இது போலியானது, என்று தெரியவந்தது. 

ஆம், உண்மையான நியூஸ் கார்டில்,’’மதுரை திருப்பரங்குன்றம் தொகுதியில் திமுக சார்பில் கிருத்திகா தங்கப்பாண்டி போட்டியிடுகிறார்,’’ என்று எழுதப்பட்டுள்ளது. 

இதுதொடர்பாக, News 7 Tamil ஆசிரியர் குழு மற்றும் திமுக ஐடி பிரிவு ஆகியோரிடம் பேசி, இது உண்மையல்ல, என்று உறுதிப்படுத்தியுள்ளோம். 

மேலும், News 7 Tamil ஊடகம் இதுபற்றி மறுப்பும் வெளியிட்டுள்ளது. 

எனவே, நாம் ஆய்வுக்கு எடுத்துக் கொண்ட நியூஸ் கார்டு, உண்மையானதல்ல, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram