லண்டன் சென்ற மு.க.ஸ்டாலின் திருநீறு பூசிய திருவள்ளுவர் சிலையை வணங்கினாரா?

‘’லண்டன் சென்ற மு.க.ஸ்டாலின் திருநீறு பூசிய திருவள்ளுவர் சிலையை வணங்கினார்,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ தமிழ்நாடு ஆக இருந்தால் விபூதியை அழித்து வெள்ளை டிரஸ் போட்டு விட்டுருப்பாங்க. லண்டன்ல என்ன செய்ய முடியும்.,’’ என்று எழுதப்பட்டுள்ளது. இதனுடன் மு.க.ஸ்டாலின் கோட் சூட் அணிந்து, திருவள்ளுவர் சிலையை வணங்குவது போன்ற புகைப்படம் இணைக்கப்பட்டுள்ளது. திருவள்ளுவர் சிலையின் நெற்றியில் திருநீறு பூசப்பட்டுள்ளது. 

Claim Link 1 l Claim Link 2   

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது. 

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இது உண்மையான புகைப்படம் கிடையாது எனவும், எடிட் செய்யப்பட்ட ஒன்று எனவும், தெரியவந்தது. 

இதன்படி, லண்டன் சென்ற தமிழ்நாடு முதலமைச்சர் மு.க.ஸ்டாலின், அங்குள்ள SOAS பல்கலைக்கழக வளாகத்தில் வைக்கப்பட்ட திருவள்ளுவர் சிலைக்கு மரியாதை செலுத்தினார். 

இதுதொடர்பான புகைப்படம் மு.க.ஸ்டாலினின் அதிகாரப்பூர்வ சமூக வலைதள பக்கங்களில் பகிரப்பட்டுள்ளது. 

இதேபோன்று, SOAS பல்கலைக்கழகமும் சில மாதங்களுக்கு முன் குறிப்பிட்ட திருவள்ளுவர் சிலை தொடர்பான பதிவு ஒன்றை வெளியிட்டுள்ளது. ஆனால், இந்த பதிவுகளில் உள்ள திருவள்ளுவர் சிலையின் நெற்றியில் திருநீறு பட்டை எதுவும் காணப்படவில்லை. 

இதன்மூலமாக, திருவள்ளுவர் சிலையின் முகத்தை எடிட் செய்து, திருநீறு பட்டை வைக்கப்பட்டுள்ளதாகக் கூறி, அரசியல் உள்நோக்கத்துடன் வதந்தி பரப்புகிறார்கள், என்று தெளிவாகிறது. 

இறுதியாக, திமுக ஐ.டி., பிரிவிலும் பேசி உறுதிப்படுத்தியுள்ளோம். 

எனவே, நாம் ஆய்வுக்கு எடுத்துக் கொண்ட புகைப்படம் எடிட் செய்யப்பட்ட ஒன்று, என சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram