‘அதானி’என்ற பெயரை கேட்டதும் பயந்து ஓடினாரா மு.க.ஸ்டாலின்?

‘’அதானி என்ற பெயரை கேட்டதும் பதில் சொல்லாமல் ஓடிய மு.க.ஸ்டாலின்,’’ என்று கூறி சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ அதானி-னு சொன்ன உடனே பின்னங்கால் பிடறியடிச்சு ஓடுது பொம்மை 😂😂😂

#Adani #DmkFailsTN..
அதானி என்ற பெயரை கேட்டது தான் தாமதம்… 

எடுத்தேன் பாரு ஓட்டம்..

கேள்வி கேட்ட பத்திரிகையாளருக்கு ஒரு மரியாதை கூட இல்லை.. 

தமிழர்களின் மரபு யாராவது ஏதாவது கேட்டால் நின்று பதில் சொல்வது… 

அந்த நாகரீகம் கூட இல்லை…’’ என்று எழுதப்பட்டுள்ளது. 

Claim Link 1 l Claim Link 2 l Claim Link 3 

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்: 

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, ‘இது முழுமையான வீடியோ அல்ல’ என்று தெரியவந்தது. 

அதாவது, மழை வெள்ளத்தை எதிர்கொள்ள தயார் நிலையில் உள்ளதாக, முதலமைச்சர் மு.க.ஸ்டாலின் பேட்டி அளித்துவிட்டு, திரும்பிச் செல்ல முற்படுகிறார். அந்த நேரத்தில் பத்திரிகையாளர் ஒருவர், ‘பாமக நிறுவனர் ராமதாஸ், அதானியுடன் உங்களுக்கு தொடர்புள்ளதாகக் குற்றம்சாட்டுகிறாரே’ என்று கேள்வி எழுப்புகிறார். அதனைக் கேட்டதும், திரும்ப வந்த மு.க.ஸ்டாலின், ‘அவருக்கு வேற வேலை இல்ல’ என்று பதிலடி கொடுத்தார். 

மு.க.ஸ்டாலின் இவ்வாறு பேசியது பல்வேறு தரப்பிலும் சர்ச்சையை ஏற்படுத்தியுள்ளது. இதுபற்றி பல்வேறு ஊடகங்களும் செய்தி வெளியிட்டுள்ளன. 

Puthiyathalaimurai TV l Hindu Tamil l Vikatan

ஆனால், முழுமையான வீடியோவை மறைத்துவிட்டு, வெறும் சில நொடி காட்சிகளை மட்டும் எடிட் செய்து, ‘அதானி பெயரை கேட்டதும் பயந்து ஓடும் மு.க.ஸ்டாலின்’ என்று கூறி வேண்டுமென்றே எதிர்க்கட்சியினர் சமூக வலைதளங்களில், வதந்தி பரப்புகிறார்கள் என சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram