கீழே விழுந்த ரஜினிகாந்த் என்று பரவும் வீடியோ உண்மையா?

‘’கால் தடுக்கி, கீழே விழுந்த ரஜினிகாந்த்,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ரஜினிகாந்த் போன்ற தோற்றம் கொண்ட ஒருவர், வீட்டுத் தோட்டத்தில் நடந்துசெல்லும்போது தடுக்கி விழுவது போன்ற காட்சிகள் கொண்ட வீடியோ ஒன்றும் இணைக்கப்பட்டுள்ளது.

‘Be Careful Rajinikanth Sir..’ என்ற தலைப்பில், விஜய் ரசிகர்கள் முதலில் X வலைதளத்தில் குறிப்பிட்ட வீடியாவை ஷேர் செய்தனர். ஆனால், பலரும் இதனை உண்மை என நம்பி, தற்போது ஷேர், கமெண்ட் செய்ய தொடங்கியுள்ளனர்.

Claim Link 1 l Claim Link 2 l Claim Link 3 l Claim Link 4

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். முதலில், நாம் இதுபற்றி ரஜினிகாந்த் அலுவலகத்தை தொடர்புகொண்டு, விளக்கம் கேட்டோம். அப்போது, ‘’குறிப்பிட்ட சிசிடிவி காட்சி, ரஜினிகாந்த் வீட்டில் எடுக்கப்பட்டதல்ல. அதில் இருக்கும் நபரும் ரஜினிகாந்த் கிடையாது. யாரோ ஒருவரின் வீடியோவை வேண்டுமென்றே ரஜினிகாந்த் பெயரில் ஷேர் செய்து, சமூக வலைதளங்களில் வதந்தி பரப்புகிறார்கள்,’’ என்று தெரிவித்தனர்.

அடுத்தப்படியாக, குறித்த வீடியோ எப்போது, எங்கே எடுக்கப்பட்டது என்ற விவரம் தேடினோம். இதன்படி, கர்நாடகாவைச் சேர்ந்த Rajaram Tallur என்பவர், தனது வீட்டில் தடுக்கி விழுந்தது பற்றி நகைச்சுவையாக, ஃபேஸ்புக்கில் பகிர, அதனையே தற்போது ரஜினிகாந்த் என்று கூறி, பலரும் டிரெண்ட் செய்ய தொடங்கியுள்ளனர்.

இந்த வீடியோவில் இருப்பவர் ரஜினிகாந்த் என்று தற்போது டிரெண்ட் செய்யப்பட்டு வரும் சூழலில், உடனடியாக, இதுபற்றி Rajaram Tallur விளக்கம் அளித்து, அவரது ஃபேஸ்புக் பக்கத்தில் பதிவு ஒன்றை வெளியிட்டுள்ளார்.

எனவே, கர்நாடகாவைச் சேர்ந்த ஒருவரது வீடியோவை எடுத்து, ரஜினிகாந்த் தடுக்கி விழுந்தார், என்று குறிப்பிட்டு, சமூக வலைதளங்களில் வதந்தி பரப்புகிறார்கள், என்று தெளிவாகிறது.

நாம் ஆய்வுக்கு எடுத்துக் கொண்ட வீடியோ தகவல், தவறானது, என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.