சபரிமலை ஐயப்பன் அற்புத காட்சி என்று பகிரப்படும் வேறொரு வீடியோவால் குழப்பம்…

‘’சபரிமலை ஐயப்பன் அற்புத காட்சி,’’ என்று கூறி யூடியுப்பில் பகிரப்படும் வீடியோ ஒன்றை பற்றி ஆய்வு மேற்கொண்டோம்.

தகவலின் விவரம்:

Youtube Link I Archived Link

உண்மை அறிவோம்:

குறிப்பிட்ட வீடியோவின் தலைப்பில், ‘’##காணக் கிடைக்காத அற்புத காட்சி## ##சபரிமலை ##சுவாமியே சரணம் ஐயப்பா ##,’’ என்று எழுதப்பட்டுள்ளதால், பலரும் இதனை உண்மையான சபரிமலை ஐயப்பன் கோயில் கருவறை காட்சி என்று நினைத்து கமெண்ட் பகுதியில் குழப்பமடைந்துள்ளனர். 

சபரிமலை உண்மையில் தற்போதைய கேரளாவில் அமைந்துள்ளது. ஆனால், மேற்கண்ட வீடியோவில் அனைவரும் தமிழில் பேசுவதைக் காண முடிகிறது. சபரிமலை கோயிலுக்கு தமிழர்கள் அதிகம் சென்று வந்தாலும், அங்கே சன்னிதானத்தில் மலையாளிகளே அதிகளவில் இருப்பார்கள். எனவே, நமக்கு இந்த வீடியோவின் நம்பகத்தன்மை பற்றி கேள்விக்குறி அதிகரித்தது. 

இதுதொடர்பாக, நமது மலையாள மொழிப் பிரிவினர் உதவியுடன் சபரிமலையில் உள்ள ஐயப்பன் கோயில் பிஆர்ஓ ரமேஷ் குமார் என்பவரிடம் விளக்கம் கேட்டோம். ‘’இந்த வீடியோ சபரிமலையில் உள்ள ஐயப்பன் கோயிலில் எடுக்கப்பட்டது அல்ல. உண்மையான சபரிமலை ஐயப்பன் கோயில் கருவறை இவ்வாறு இருக்காது,’’ என்றார்.  

அடுத்தப்படியாக, மேற்கண்ட வீடியோ எங்கே எடுக்கப்பட்டது என விவரம் தேடியபோது, ஒரு காட்சியில் இளைஞர் ஒருவர் இடுப்பில் கட்டியிருந்த வேஷ்டி துண்டை உற்று கவனித்தபோது, இது பிரான்ஸ் நாட்டில் அமைக்கப்பட்டுள்ள ஒரு ஐயப்பன் கோயிலில் நிகழ்ந்த பூஜை காட்சி என்று விவரம் தெரியவந்தது. 

இதுவரை கிடைத்த ஆதாரங்களின் அடிப்படையில்,
குறிப்பிட்ட வீடியோவில் இருப்பது சபரிமலையில் உள்ள ஐயப்பன் கோயில் இல்லை என்று சந்தேகமின்றி உறுதி செய்யப்படுகிறது.
முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram