‘குஜராத் தேர்தலில் பாஜக வெற்றி பெற்றால் தற்கொலை செய்துகொள்வேன்’ என்று செந்தில்வேல் கூறினாரா?

‘’குஜராத் தேர்தலில் பாஜக வெற்றி பெற்றால் தற்கொலை செய்துகொள்வேன் என்று செந்தில்வேல் சவால்,’’ என சமூக வலைதளங்களில் பகிரப்படும் தகவல் ஒன்றை பற்றி ஆய்வு மேற்கொண்டோம்.

தகவலின் விவரம்:

இதனை வாசகர் ஒருவர் நமக்கு வாட்ஸ்ஆப் வழியே (+91 9049044263) அனுப்பி, உண்மையா என்று கேட்டிருந்தார்.

இதே ட்வீட் ஸ்கிரின்ஷாட்டை பலரும் ஃபேஸ்புக்கில் உண்மையென நம்பி பகிர்வதைக் கண்டோம்.

Facebook Claim Link I Archived Link

உண்மை அறிவோம்:
மேற்கண்ட பதிவுகளில் கூறுவது போல, குஜராத் தேர்தலில் பாஜக வெற்றி பெற்றால், ரயில் தண்டவாளத்தில் தலையை வைத்து தற்கொலை செய்துகொள்வேன் என்று செந்தில்வேல் கூறினாரா என்று விவரம் தேடினோம்.

இதுபற்றி அவரது அதிகாரப்பூர்வ ட்விட்டர் பக்கம் சென்று பார்வையிட்டபோது, அவரே இந்த வதந்தியை விமர்சித்து ட்வீட் ஒன்றை பகிர்ந்திருப்பதைக் கண்டோம். அதனை கீழே இணைத்துள்ளோம்.

குஜராத்தை தவிர ஹிமாச்சல் , டெல்லி, 5 மாநில இடைத்தேர்தல் என அனைத்திலும் தோற்றது தெரியாமல் Fake news பரப்பி மகிழும் சங்கிகளை நினைத்தால் பாவமா இருக்கு.. but பயப்படுறீங்க பாரு அது போதும்டா.. pic.twitter.com/r9yT48pI9T
— Senthil (@Senthilvel79) December 8, 2022

எனவே, செந்தில்வேல் பெயரில் போலியான ட்வீட் ஒன்றை சிலர் தயாரித்து, இவ்வாறு வதந்தி பரப்புவதாகச் சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.