ராஜீவ் காந்தியின் கடைசி நிமிடங்கள் என்று பகிரப்படும் சினிமா காட்சியால் சர்ச்சை…

ராஜீவ் காந்தியின் கடைசி நிமிடங்கள் என்று கூறி சமூக வலைதளங்களில் பரவும் வீடியோ ஒன்றின் நம்பகத்தன்மை பற்றி ஆய்வு செய்தோம்.

தகவலின் விவரம்:

Facebook Claim Link I Archived Link

2018ல் பகிரப்பட்டுள்ள இந்த வீடியோ பதிவை இன்றளவும் உண்மை என நம்பி பலரும் ஷேர் செய்து வருகின்றனர்.

உண்மை அறிவோம்:
குறிப்பிட்ட வீடியோவை பார்க்கும்போதே, அதில் கேமிரா பலவித கோணங்களில் ஆடாமல், அசையாமல் படம்பிடிப்பதையும், பின்னணி இசை ஒலிப்பதையும் தெளிவாக உணர முடிகிறது. உண்மையான காட்சி எனில், இப்படி கேமிரா பலவித கோணங்களில் இயங்கவோ, பின்னணி இசை ஒலிக்கவோ வாய்ப்பில்லை. அத்துடன், ராஜீவ் காந்தி தோற்றத்தில் வரும் நபரும் பார்க்க நகல் போல இருந்தாலும், உண்மையானவராக இல்லை.

எனவே, இது எதோ திரைப்படம் அல்லது ஆவணப்படத்தில் வரும் காட்சியை எடுத்து, இவ்வாறு பகிர்ந்துள்ள தகவல் என தோன்றியது. இதன்பேரில், வீடியோவின் ஒரு ஃபிரேமை பிரித்தெடுத்து, ரிவர்ஸ் இமேஜ் முறையில் தேடியபோது, இது மலையாளத்தில் மம்மூட்டி நடிப்பில் வெளியான Mission 90 Day என்ற படத்தில் இடம்பெற்ற காட்சி என ஆதாரம் கிடைத்தது.

இந்த படத்தின் 50வது நிமிடம் முதலாக, சில நிமிட காட்சிகளை எடிட் செய்து, உண்மையான ராஜீவ் காந்தி படுகொலையின்போது எடுக்கப்பட்ட வீடியோ எனக் குறிப்பிட்டு மேற்கண்ட வகையில் வதந்தி பரப்பி வருகின்றனர் என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram