வெளிநாட்டுப் பயணங்களின்போது மோடி மது அருந்துகிறாரா?

‘’வெளிநாட்டுப் பயணங்களின்போது மோடி மது அருந்துகிறார்,’’ என்று கூறி சமூக வலைதளங்களில் பகிரப்படும் புகைப்படம் ஒன்றின் நம்பகத்தன்மை பற்றி ஆய்வு செய்தோம்.

தகவலின் விவரம்:

இதனை வாசகர் ஒருவர் +91 9049053770 என்ற நமது வாட்ஸ்ஆப் சாட்போட் எண்ணிற்கு அனுப்பி, உண்மையா என சந்தேகம் கேட்டிருந்தார்.

இதன்பேரில் தகவல் தேடியபோது, ஃபேஸ்புக்கிலும் சிலர் இந்த புகைப்படத்தை தமிழ் மட்டுமின்றி இந்தி உள்ளிட்ட மொழிகளிலும் ஷேர் செய்வதைக் கண்டோம்.

Facebook Claim Link I Archived Link

உண்மை அறிவோம்:
நாம் ஆய்வுக்கு எடுத்துக் கொண்ட புகைப்படத்தில், மோடி கையில் இருப்பது மது நிரம்பிய குவளை இல்லை. அதில் இருப்பது தண்ணீர்தான். ஆம், இதுபற்றி 2017ல் ஊடகங்களில் செய்தி வெளியாகியிருக்கிறது.

இதுபற்றி மோடி அவரது அதிகாரப்பூர்வ யூடியுப் பக்கத்திலும் பதிவிட்டுள்ளார். அதில், இஸ்ரேல் சுற்றுப் பயணம் சென்றபோது, அங்கு கடலோரமாக உள்ள நீர் சுத்திகரிப்பு மையம் ஒன்றை ஆய்வு செய்த பின், அதில் உற்பத்தி செய்யப்படும் தண்ணீரை குவளையில் ஊற்றி, மோடி குடிப்பதை தெளிவாகப் பார்க்கலாம்.

இதன் அடிப்படையில், நாம் ஆய்வுக்கு எடுத்துக் கொண்ட புகைப்படத்தில் மோடி கையில் இருப்பது தண்ணீர்தான்; ஆல்கஹால் அல்ல என்பதை உறுதி செய்ய போதுமான ஆதாரங்கள் நமக்குக் கிடைத்துள்ளன.

அதேசமயம், வெளிநாட்டு சுற்றுப் பயணங்களின்போது, மரியாதை நிமித்தமாக மோடி பல விருந்து நிகழ்வுகளில் பங்கேற்கிறார். அங்கே அவர் மது அருந்துகிறாரா, இல்லையா என்பதெல்லாம் பிரதமர் அலுவலகம் மட்டுமே அறிந்த ரகசியம்.

TOI Link

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.