‘’ துணிவு படத்தின் இறுதிக் காட்சியில் என்னைப் போல வேடமிட்ட என் ரசிகர் அஜித் குமாருக்கு நன்றி,’’ என்று (லெஜண்ட்) சரவணன் அருள் கூறியதாக, சமூக வலைதளங்களில் பகிரப்படும் தகவல் பற்றி ஆய்வு செய்ய தீர்மானித்தோம்.
தகவலின் விவரம்:
இதனை வாசகர்கள் சிலர் நமக்கு வாட்ஸ்ஆப் வழியே (+919049044263 & +919049053770) அனுப்பி, உண்மையா என்று சந்தேகம் கேட்டனர்.
Facebook Claim Link l Archived Link
பலரும் இந்த செய்தியை உண்மை என நம்பி ஷேர் செய்து வருகின்றனர்.
உண்மை அறிவோம்:
2022ம் ஆண்டு பொங்கல் பண்டிகையை முன்னிட்டு விஜய் நடித்த வாரிசு மற்றும் அஜித் நடித்த துணிவு படங்கள் ரிலீசாகின. இதையொட்டி, விஜய் மற்றும் அஜித் ரசிகர்கள், சமூக வலைதளங்களில் ஒருவரை ஒருவர் கடுமையாக விமர்சித்தும், கேலி செய்தும் தொடர்ந்து பதிவிட்டு வருகின்றனர்.
அந்த வரிசையில், துணிவு படத்தின் கிளைமேக்ஸ் காட்சியில் அஜித் நடிப்பை கேலி செய்து, சிலர் மேற்கண்ட வகையில், (தி லெஜண்ட்) சரவணா ஸ்டோர்ஸ் உரிமையாளர் சரவணன் அருள் துணிவு படத்தில் நடிக்க மறுத்ததால், அஜித்குமாரே கிளைமேக்ஸ் காட்சியில் இவ்வாறு வேடமிட்டு நடித்ததாகக் குறிப்பிட்டு வதந்தி பரப்புகின்றனர்.
ஆனால், சரவணன் அருள் இவ்வாறு எங்கேயும் கூறவில்லை. நாம் அவரது அலுவலகத்தில் பேசி உறுதி செய்துள்ளோம். இதுதவிர, இதுபற்றி மாலைமுரசு ஊடகம் மறுப்பு தெரிவித்துள்ளது.
எனவே, அஜித் ரசிகர்களுக்கு எதிராக விஜய் ரசிகர்கள் வேண்டுமென்றே தயாரித்த பொய்யான செய்தியே மேற்கண்ட ஒன்று என சந்தேகமின்றி உறுதி செய்யப்படுகிறது.
முடிவு:
உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.
எங்களது சமூக வலைதள பக்கங்களை பின்தொடர…
Facebook Page I Twitter PageI Google News Channel I Instagram
Title:என் ரசிகர் அஜித் குமாருக்கு நன்றி என்று சரவணன் அருள் கூறினாரா?
Fact Check By: Fact Crescendo TeamResult: False
