அண்ணாமலை பதவிக்கு ஆபத்தில்லை என்று பரவும் பழைய செய்தியால் சர்ச்சை…

‘’அடுத்த 3 ஆண்டுகளுக்கு அண்ணாமலையே பாஜக தலைவராக தொடர்வார்,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ சிங்கம் திரும்ப வந்துருச்சு… அண்ணாமலையை மாற்றும் திட்டமில்லை. அடுத்த 3 ஆண்டுகளுக்கு அண்ணாமலையே பாஜக தலைவராக தொடர்வார் எனத் தகவல்,’’ என்று எழுதப்பட்டுள்ளது. 

Claim Link 1 l Claim Link 2 l Claim Link3  

News தமிழ் 24×7 லோகோ உள்ளதால், பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்து வருகின்றனர். 

உண்மை அறிவோம்:

சமீபத்தில், அதிமுக பொதுச் செயலாளர் எடப்பாடி பழனிச்சாமி, மத்திய உள்துறை அமைச்சரும், பாஜக மூத்த தலைவருமான அமித் ஷாவை டெல்லி சென்று நேரில் சந்தித்துப் பேசினார். 

இதற்கடுத்த நாளில், உடனடியாக தமிழ்நாடு பாஜக தலைவர் அண்ணாமலையும் டெல்லி சென்றார். 

அடுத்தடுத்து நடைபெற்ற இந்த நிகழ்வுகளால், தமிழ்நாடு பாஜக தலைவர் பதவியில் இருந்து, அண்ணாமலை நீக்கப்பட வாய்ப்புள்ளதாக, தகவல் பரவியது. 

Indian Express l Business Today l India Today l Maalaimalar 

இத்தகைய சூழலில்தான், நாம் ஆய்வுக்கு எடுத்துக் கொண்ட News தமிழ் 24×7 லோகோவுடன் கூடிய செய்தியை, அண்ணாமலை ஆதரவாளர்கள் சமூக வலைதளங்களில் பகிர்ந்து வருகின்றனர். 

ஆனால், குறிப்பிட்ட செய்தியை கடந்த 2025, பிப்ரவரி மாதம் நியூஸ் தமிழ் 24×7 ஊடகம் வெளியிட்டுள்ளது.  

Link 1 l Link 2 

இதுதொடர்பாக, News தமிழ் 24×7 ஊடகத்தின் ஆசிரியர் குழு தரப்பிலும் பேசி உறுதிப்படுத்தியுள்ளோம். 

இவற்றின் அடிப்படையில், சில மாதங்களுக்கு முன்பாக வெளிவந்த செய்தியை எடுத்து, தற்போதைய அரசியல் சூழலுக்கு ஏற்ப புதியது போன்று அண்ணாமலை ஆதரவாளர்கள் மறுபகிர்வு செய்வதாக, தெரியவருகிறது. 

எனவே, நாம் ஆய்வுக்கு எடுத்துக் கொண்ட செய்தி, உண்மையானது இல்லை, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram