மைனஸ் 15 டிகிரி குளிரில் தவம் செய்யும் இந்து மத துறவிகள் என்று பரவும் வீடியோ உண்மையா?

‘‘மைனஸ் 15 டிகிரி குளிரில் தவம் செய்யும் இந்து மத துறவிகள்,’’ என்று கூறி, சமூக வலைதளங்களில் பரவும் தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ 🚩இந்து மதம் எங்கே.. 🚩

🚩உங்கள் கடவுள் எங்கே?.. 🚩

🚩”நீங்கள் அவரைப் பார்த்தீர்களா?”

“போன்ற பைத்தியக்காரத்தனமான கேள்விகளைக் கேட்பவர்களுக்கு இந்த வீடியோ”.. 👇

🚩மைனஸ் 15 டிகிரி குளிரில் ஒருவர் எவ்வளவு நேரம் இருக்க முடியும்?..

அது துணி இல்லாமல்.. இது ஒரு அதிசயம்… இது மகாதேவின் சக்தி…🚩 இவ்வளவு குளிரில் இரத்தம் உறைவதில்லை?.. 🚩

பதிலளிக்க முடியாத பல கேள்விகள் உள்ளன.. பதில் ஒன்றுதான்: 🙏🕉️🙏

ஹரஹர மகாதேவ் ஷம்போ சங்கரா 🙏

ஓம் நமஷ் சிவாய 🙏🕉️🙏

Jai Bharat . . 🇮🇳

Jai Hindustani . . 🚩,’’ என்று எழுதப்பட்டுள்ளது. இதனுடன் இந்து மத சாதுக்கள் சட்டை இல்லாமல் குளிரில் தவம் செய்வது போன்ற காட்சிகள் கொண்ட வீடியோ ஒன்றும் இணைக்கப்பட்டுள்ளது.

Claim Link 1 l Claim Link 2 l Archived Link

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். Google Reverse உதவியுடன் தகவல் தேடியபோது, இது AI முறையில் தயாரிக்கப்பட்ட வீடியோ என்றும், உண்மையானதல்ல என்றும் தெரியவந்தது.

MIND GROW G என்ற ஃபேஸ்புக் பக்கத்தில் இந்த வீடியோ முதல்முறையாக பகிரப்பட்டுள்ளது. அதில் ‘’ ⚠️Disclaimer :~This video is a fictionalentertainment
video created using AI/VFX. No humans or animals have been harmed This video is not based on anyreal incident,’’ என்று கேப்ஷன் எழுதப்பட்டுள்ளது.

குறிப்பிட்ட ஃபேஸ்புக் பக்கத்தில் இதுபோன்று நிறைய வீடியோ பகிரப்பட்டுள்ளன.

மேலும், -20 டிகிரி செல்சியஸ் வெப்பநிலையில் தவம் செய்யும் துறவி என்றும் கூறி ஒரு வீடியோ இதே ஃபேஸ்புக் பக்கத்தில் பகிரப்பட்டுள்ளது. இதுவும் AI முறையில் தயாரிக்கப்பட்ட வீடியோதான்…

MIND GROW G முகப்பு பக்கத்திலேயே பொழுதுபோக்கு நோக்கில் இந்த வீடியோக்கள் பகிரப்படுவதாகக் குறிப்பிடப்பட்டுள்ளது.

இறுதியாக, facebook messenger மூலமாக, MIND GROW G தரப்பை தொடர்புகொண்டு, விளக்கம் கேட்டோம். ‘’தொழில்முறை நோக்கில் பிரத்யேக AI tools பயன்படுத்தி இதுபோன்று வீடியோ தயாரித்து வெளியிடுகிறோம்,’’ என்று தெரிவித்தனர்.

எனவே, நாம் ஆய்வுக்கு எடுத்துக் கொண்ட வீடியோ AI முறையில் தயாரிக்கப்பட்டது, என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.