பிளஸ் 2 பொதுத் தேர்வில் 600க்கு 600 மதிப்பெண் பெற்ற மாணவி ‘நீட்’ எழுத வேண்டுமா?

‘‘பிளஸ் 2 பொதுத் தேர்வில் 600க்கு 600 மதிப்பெண் பெற்ற மாணவி ‘நீட்’ எழுத வேண்டிய அவலம்,’’ என்று கூறி சமூக வலைதளங்களில் பகிரப்படும் ஒரு தகவல் பற்றி ஆய்வு செய்ய தீர்மானித்தோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் வழியே (+919049044263 & +919049053770) அனுப்பி, உண்மையா என்று சந்தேகம் கேட்டனர். 

Tweet Claim Link l Archived Link

பலரும் இதனை உண்மை என நம்பி ஷேர், கமெண்ட் செய்து வருகின்றனர். 

மேலும் சில கமெண்ட்கள் கீழே தரப்பட்டுள்ளன.

சிலர் இதுதொடர்பாக ‘மீம்’ கூட தயாரித்து பகிர தொடங்கியுள்ளனர்.

உண்மை அறிவோம்:

மேற்கண்ட ட்வீட் பதிவு உண்மையில் திமுக.,வினரை கேலி செய்யும் நோக்கில் வெளியிடப்பட்டதாக தோன்றினாலும், உண்மையிலேயே திமுக ஆதரவாளர்கள் வெளியிட்ட பதிவுதான். தொடர்ச்சியாக, அந்த ட்விட்டர் ஐடி (@intellect1233) வெளியிடும் பதிவுகள் அனைத்தையும் நாம் பார்வையட்டு உறுத செய்துள்ளோம்.

இதுதொடர்பாக, அந்த ட்விட்டர் ஐடி வெளியிட்ட பதிவுகள் சிலவற்றை கீழே இணைத்துள்ளோம்.

கேலி செய்வது போல உண்மையிலேயே நீட் தேர்வை எதிர்த்து, இத்தகைய தவறான தகவலை திமுக ஆதரவாளர்கள் சிலர் சமூக வலைதளங்களில் பகிர்ந்து வருகின்றனர்.

இவர்கள் வேண்டுமென்றே பகிர்கிறார்களா அல்லது sarcastic முறையில் பகிர்கிறார்களா என்பதை விடவும், மேற்கண்ட ட்விட்டர் ஐடியில், பிளஸ் 2 பொதுத் தேர்வு தொடர்பாக வெளியான அத்தனை பதிவுகளுமே சாமானிய வாசகர்களை குழப்பக்கூடியதாகவே உள்ளன.

உண்மையில், நீட் நுழைவுத் தேர்வு எழுத வேண்டுமெனில், அறிவியல் பாடப் பிரிவில் பிளஸ் 2 பொதுத் தேர்வில் தேர்ச்சி பெற்றிருக்க வேண்டும். இதுபற்றிய விதிமுறைகள் கீழே இணைக்கப்பட்டுளளன.

எனவே, கலைப் பிரிவில் பிளஸ் 2 தேர்ச்சி பெற்ற நபர் நீட் எழுத முடியாது. இந்த விதிமுறைகள் எதுவும் தெரியாமல், ‘commerce பாடப் பிரிவில் 600க்கு 600 மதிப்பெண் பெற்ற மாணவியும் நீட் எழுத வேண்டுமா?’ ‘இந்திய அரசின் கல்விக் கொள்கையின் அவலம் பாரீர்,’ என்பது போன்ற வதந்திகளை சிலர் பரப்பி வருகிறார்கள் என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram