கர்நாடகாவில் காங்கிரஸ் கட்சி ஆதரவாளர்கள் பாகிஸ்தான் கொடி பிடித்தனரா?

‘’ கர்நாடகாவில் பாகிஸ்தான் கொடி பிடித்த காங்கிரஸ் கட்சி ஆதரவாளர்கள்’’ என்று கூறி, சமூக வலைதளங்களில் பகிரப்படும் ஒரு செய்தி பற்றி ஆய்வு செய்தோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் வழியே (+919049044263 & +919049053770) அனுப்பி, உண்மையா என்று சந்தேகம் கேட்டனர். 

Facebook Claim Link l Archived Link 

உண்மை அறிவோம்:

சமீபத்தில் நடைபெற்ற கர்நாடகா சட்டமன்ற தேர்தலில், காங்கிரஸ் கட்சி பெரும்பான்மை இடங்களை கைப்பற்றியுள்ளது. இதையொட்டி, கொண்டாட்டத்தில் ஈடுபட்ட காங்கிரஸ் கட்சி ஆதரவாளர்கள் பாகிஸ்தான் கொடியை காட்டினர் என்றும், பாகிஸ்தான் ஆதரவாகக் கோஷமிட்டனர் என்றும் குறிப்பிட்டு சமூக வலைதளங்களில் பல்வேறு தகவல்கள் பகிரப்படுகின்றன. 

அந்த வரிசையில் பகிரப்படும் ஒரு தகவல்தான் நாம் ஆய்வுக்கு எடுத்துக் கொண்டதும்… உண்மையில், அது பாகிஸ்தான் கொடி அல்ல. இந்திய யூனியன் முஸ்லிம் லீக் கட்சிக் கொடியாகும். 

பாகிஸ்தான் கொடியும், இந்திய யூனியன் முஸ்லிம் லீக் கட்சிக் கொடியையும் ஒப்பீடு செய்து, கீழே இணைத்துள்ளோம். 

இதேபோல, ஏற்கனவே, இந்திய யூனியன் முஸ்லிம் லீக் கட்சிக் கொடியை பாகிஸ்தான் கொடி என்று கூறி சில வதந்திகள் பகிரப்பட்டுள்ளன. நாமும் அவை பற்றி அப்போதே ஃபேக்ட்செக் செய்துள்ளோம். அந்த லிங்க் கீழே இணைக்கப்பட்டுள்ளது. 

Fact Crescendo Tamil Link 1 l Fact Crescendo Tamil Link 2

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram