+140 எண்ணில் இருந்து ஃபோன் வந்தால் எடுக்கக் கூடாதா?

‘’140 என்ற எண்ணில் இருந்து ஃபோன் வந்தால் எடுக்க வேண்டாம், வங்கிக் கணக்கில் பணம் திருடுவார்கள் என்று மும்பை போலீஸ் எச்சரிக்கை,’’ என்று குறிப்பிட்டு, சமூக வலைதளங்களில் பகிரப்படும் தகவல் பற்றி ஆய்வு செய்தோம்.

தகவலின் விவரம்:

இதனை வாசகர்கள் சிலர் +91 9049044263 மற்றும் +91 9049053770 ஆகிய வாட்ஸ்ஆப் எண்களில் நமக்கு அனுப்பி, உண்மையா என்று சந்தேகம் கேட்டிருந்தனர்.

இதுபற்றி தகவல் தேடியபோது, பலரும் ஃபேஸ்புக், வாட்ஸ்ஆப்பில் இதனை உண்மை போல பகிர்வதைக் கண்டோம்.

Facebook Claim Link I Archived Link

உண்மை அறிவோம்:
குறிப்பிட்ட தகவல் உண்மையா என்றால், இல்லை என்பதுதான் பதில். ஆம், இது Sony LIV 2020ம் ஆண்டு நிகழ்ச்சி ஒன்றை புரோமோஷன் செய்து, அதனால் சர்ச்சையில் சிக்கிய விவகாரம் தொடர்பானதாகும். இதுபற்றி மகாராஷ்டிரா சைபர் கிரைம் போலீசார் உரிய விளக்கம் அளித்துள்ளனர். அந்த ட்வீட் கீழே இணைக்கப்பட்டுள்ளது.

We have instructed the channel to cease this promotional activity immediately. (2/n)

— Maharashtra Cyber (@MahaCyber1) July 10, 2020

குறிப்பிட்ட நிறுவனமும் அப்போதே மன்னிப்பு கேட்டு, உரிய விளக்கமும் அளித்துள்ளது.

If you have received a call for our show Undekhi & it has disturbed you we would like to sincerely apologise to you. This was a test activity which has gone out accidentally & our intention was not to cause any kind of discomfort or panic. We sincerely regret any inconvenience.

— Sony LIV (@SonyLIV) July 10, 2020

இதுதவிர, 140 எண்ணில் இருந்து அழைப்பு வந்தால், எடுக்க வேண்டாம் என்று மும்பை போலீஸ் எந்த எச்சரிக்கையும் விடவில்லை. அவர்களும் விளக்கம் அளித்து, ட்வீட் வெளியிட்டுள்ளனர்.

The era of ‘any publicity is good publicity’ is a passé. Any publicity creating panic amongst citizens and suggesting a threat to their security will be dealt with necessary severity. Hope the fake calls for promotions aren’t bothering you any longer, Mumbaikars #SoNotDone

— मुंबई पोलीस – Mumbai Police (@MumbaiPolice) July 10, 2020

எனவே, 2020ம் ஆண்டிலேயே முடித்து வைக்கப்பட்ட ஒரு பிரச்னையை எடுத்து, மீண்டும் புதியதுபோல சிலர் தமிழ் மொழியில் பகிர்ந்து வருகின்றனர் என சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram