மோடி மீண்டும் பிரதமராக வேண்டும் என்று 93% மக்கள் வாக்களித்தனரா? 

‘’மோடி மீண்டும் பிரதமராக வேண்டும் என்று 93% மக்கள் வாக்களித்தனர்’’ என்று கூறி சமூக வலைதளங்களில் பகிரப்படும் தகவல் பற்றி ஆய்வு செய்தோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் வழியே (+919049053770) அனுப்பி, உண்மையா என்று சந்தேகம் கேட்டனர். 

இதில், ‘’ யார் பிரதமராக வேண்டும் என நீங்கள் நினைக்கிறீர்கள்…? மோடி 93% ராகுல் காந்தி 6% , 3வது நபர் 1%,’’  என்று எழுதப்பட்டுள்ளது. 

தந்தி டிவி லோகோ உள்ளதால், பலரும் இதனை உண்மை என நம்பி, ஷேர் செய்து வருகின்றனர்.  

உண்மை அறிவோம்:

வரும் 2024ம் ஆண்டு நாடாளுமன்ற தேர்தல் நடைபெற உள்ளது. இதில் எந்த கட்சி வெற்றி பெறும் என்றும், அடுத்த பிரதமர் மோடியா, ராகுல் காந்தியா என்றும் விவாதம் எழுந்துள்ளது. 

இந்த சூழலில், அடுத்த பிரதமர் யார் என்று கருத்துக் கணிப்பு நடத்தி, மேற்கண்ட வகையில், மோடிக்கு 93% ஓட்டுகள் கிடைத்ததாக, தந்தி டிவி செய்தி வெளியிட்டது என்று குறிப்பிட்டு, சமூக வலைதளங்களில் தகவல் பரவுகிறது. 

இவ்வாறு சமீபத்தில் தந்தி டிவி ஏதேனும் கருத்துக் கணிப்பு நடத்தியதா என்று விவரம் தேடினோம். அப்போது, நமக்குச் சில செய்திகள் காணக் கிடைத்தன. 

இதில், மோடிக்கு 93% ஆதரவு என்றெல்லாம் எதுவம் கூறப்படவில்லை. மற்றொரு செய்தி லிங்க் கீழே தரப்பட்டுள்ளது. 

இதிலும் மோடிக்கு அதிக ஓட்டுகள் எதுவும் கிடைத்ததாகக் கூறப்படவில்லை; ராகுல் காந்திக்கே ஆதரவு அதிகம் உள்ளதாகக் கூறப்பட்டுள்ளது. 

அடுத்தப்படியாக, கடந்த மாதம் தந்தி டிவி வெளியிட்ட செய்தி ஒன்றும் கிடைத்தது. அதிலும், மோடியை விட ராகுல் காந்திக்கே அதிக ஆதரவு உள்ளதாகக் குறிப்பிட்டிருந்தனர். 

தொடர்ந்து நாம் தகவல் தேடினோம். ஆனால், மோடிக்கு இவ்வளவு வாக்குகள் என்று கூறி தந்தி டிவி அல்லது வேறெந்த ஊடகமும் எந்த செய்தியும் வெளியிடவில்லை. 

thanthi tv link 

எனவே, நாம் தந்தி டிவியின் டிஜிட்டல் பிரிவு பொறுப்பாளரை தொடர்பு கொண்டு விளக்கம் கேட்டோம். ‘’இவ்வாறு நாங்கள் எந்த கருத்துக் கணிப்பும் நடத்தவில்லை. 2018ம் ஆண்டு இதுபோன்ற டெம்ப்ளேட்டில் ஒரு கருத்துக் கணிப்பு வெளியிட்டிருந்தோம். அதனையே எடிட் செய்து, இவ்வாறு மோடிக்கு அதிக ஆதரவு உள்ளதாகக் கூறி சமூக வலைதளங்களில் தகவல் பரப்புகிறார்கள்,’’ என்றனர். 

#ThanthiTVOpinionPoll : யார் பிரதமராக வேண்டும் என நீங்கள் நினைக்கிறீர்கள்…?#MakkalYaarPakkam | #PrimeMinister | @KrishInfoMedia pic.twitter.com/B7Jn3M1OeO

— Thanthi TV (@ThanthiTV) November 19, 2018

இதுதொடர்பாக, 2018ம் ஆண்டு தந்தி டிவி வெளியிட்ட செய்தி ஒன்றையும் கீழே இணைத்துள்ளோம். 

Thanthi TV Article Link    

நாம் ஆய்வுக்கு எடுத்துக் கொண்ட செய்தியையும், தந்தி டிவி 2018ம் ஆண்டு வெளியிட்ட கருத்துக் கணிப்பு டெம்ப்ளேட்டையும் ஒப்பீடு செய்து இங்கே இணைத்துள்ளோம். 

எனவே, 2018ம் ஆண்டு தந்தி டிவி வெளியிட்ட கருத்துக் கணிப்பு டெம்ப்ளேட் ஒன்றை எடுத்து, மேற்கண்ட வகையில் மோடிக்கு ஆதரவாக எடிட் செய்து, வதந்தி பரப்பியுள்ளனர் என்று உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram