‘கொள்ளையனே வெளியேறு’ என்று மோடியை குறிப்பிட்டு விகடன் ஊடகம் செய்தி வெளியிட்டதா?  

‘கொள்ளையனே வெளியேறு’ என்று மோடியை குறிப்பிட்டு விகடன் ஊடகம் செய்தி வெளியிட்டதாகக் கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு செய்தோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’கொள்ளையனே வெளியேறு என்று மோடியை குறிப்பிட்டு மிகவும் தைரியமாக செய்தி வெளியிட்ட விகடன்”, என்று எழுதப்பட்டுள்ளது. 

இதனை பலரும் உண்மை என நம்பி, ஷேர், கமெண்ட் செய்து வருகின்றனர்.  

உண்மை அறிவோம்:

மேற்கண்ட தகவலில் கூறப்பட்டுள்ளது போன்று, விகடன் ஊடகம் தற்போது எதுவும் செய்தி வெளியிட்டுள்ளதா என்று தகவல் தேடினோம். ஆனால், அவ்வாறு எந்த செய்தியும் காணக் கிடைக்கவில்லை. 

அதேசமயம், கடந்த 2016ம் ஆண்டு நவம்பர் மாதத்தில் மோடி தலைமையிலான மத்திய அரசு பண மதிப்பிழப்பு அறிவிப்பை வெளியிட்டது. இதன்படி, 500, 1000 ரூபாய் நோட்டுகள் செல்லாது என்று தெரிவிக்கப்பட்டது. இந்த நடவடிக்கையை பாராட்டி அப்போது விகடன் மேற்கண்ட வகையில் அட்டைப்படம் ஒன்றை வெளியிட்டது. 

பண மதிப்பிழப்பு நடவடிக்கை மூலமாக, இந்தியாவில் உள்ள கொள்ளையர்களை மோடி வெளியேறச் சொல்லிவிட்டார் என்ற அர்த்தத்திலேயே இந்த கருத்துப் படத்தை விகடன் வெளியிட்டிருந்தது. மேலும், கட்டுரை ஒன்றையும் விகடன் வெளியிட்டிருந்தது. இதோ லிங்க்…

Vikatan 2016 Article Link 

ஆனால், இத்தனை ஆண்டுகள் கடந்த பிறகு, தற்போது மக்களவைத் தேர்தல் 2024 நடைபெறும் சூழலில், மேற்கண்ட 2016 விகடன் கருத்துப் படத்தை எடுத்து, புதியது போன்று குறிப்பிட்டு, கொள்ளையனே வெளியேறு என்று மோடியை விகடன் ஊடகம் சாடியுள்ளதாக, சிலர் தகவல் பரப்புகின்றனர். இதனை நமது வாசகர்கள் நம்ப வேண்டாம். விகடன் ஆசிரியர் குழு தரப்பிலும் இதுபற்றி நாம் பேசி உறுதிப்படுத்தியுள்ளோம். 

இதன்படி, 2016ல் மோடியை பாராட்டி விகடன் வெளியிட்ட கருத்துப் படத்தை எடுத்து, தற்போது மோடிக்கு எதிராக வெளியானது போன்று குறிப்பிட்டு வேண்டுமென்றே வதந்தி பரப்புவதாகச் சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram