காஷ்மீரில் கல் வீசிய நபரை இந்திய ராணுவம் துப்பாக்கியால் சுட்டதா?

காஷ்மீரில் கல் வீசி தொந்தரவு செய்த பாகிஸ்தான் ஆதரவாளரை இந்திய ராணுவம் துப்பாக்கியால் சுட்டுக் கொன்றதாகக் குறிப்பிட்டு ஒரு வீடியோ சமூக வலைதளங்களில் பகிரப்படுகிறது. இதன் நம்பகத்தன்மை பற்றி ஆய்வு செய்தோம்.

தகவலின் விவரம்:

Facebook Claim Link I Archived Link

உண்மை அறிவோம்:
குறிப்பிட்ட வீடியோவின் ஒரு ஃபிரேமை பிரித்தெடுத்து, ரிவர்ஸ் இமேஜ் முறையில் நாம் கூகுளில் தகவல் தேடியபோது, இது இந்தியாவில் நிகழ்ந்தது இல்லை என்றும், பொலிவியா நாட்டில் நிகழ்ந்த விவசாயிகள் போராட்டம் தொடர்பான வீடியோ என்றும் தெரியவந்தது.

பாதுகாப்புப் படையினரை நோக்கி கல் போன்ற எதோ ஒன்றை எடுத்து, அவர் வீசுவதையும், பிறகு திடீரென வயிற்றுப் பகுதியில் எதோ வெடித்து அவர் சுருண்டு விழுவதையும் காண முடிகிறது.

இதுதொடர்பான இதர செய்தி லிங்க் கீழே இணைக்கப்பட்டுள்ளது.

lineadirectaportal article link

இந்த செய்தியை ஆங்கிலத்தில் மொழியாக்கம் செய்து பார்த்தபோது, ‘’பொலிவியா நாட்டில் போராட்டம் நடத்திய விவசாயிகளில் ஒருவர், நாட்டு வெடிகுண்டுகளை போலீசார் மீது வீசியுள்ளார். மற்றொரு வெடிகுண்டை சட்டை பாக்கெட்டில் வைத்திருக்கிறார், அது திடீரென வெடிக்கவே, வயிற்றுப் பகுதியில் காயமடைந்து சுருண்டு விழுகிறார்,’’ என்று குறிப்பிடப்பட்டிருந்தது.

அதேசமயம், அந்த விவசாயி உயிரிழக்கவில்லை என்றும், டைனமைட் வெடித்து வயிற்றுப் பகுதியில் காயமடைந்த அவரை போலீசார் மீட்டு மருத்துவமனையில் சேர்த்தனர் என்றும் சில ஊடகத் தகவல்கள் நமக்கு தெரிவிக்கின்றன.

இதுதொடர்பான ட்விட்டர் பதிவின் லிங்க் கீழே தரப்பட்டுள்ளது.

https://twitter.com/OMAR_PATINO/status/1557036042699636738

இதன்படி, இந்தியாவிற்கு முற்றிலும் தொடர்பில்லாத ஒரு வீடியோவை எடுத்து, அதனை வைத்து காஷ்மீர் விவகாரத்தை சேர்த்து, வதந்தி பரப்பியுள்ளனர் என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.