‘நான் ஒரு வெற்றி பெற்ற பாஜக காரியகர்த்தா’ என்று ரவீந்திர ஜடேஜா கூறினாரா?

‘’ நான் ஒரு வெற்றி பெற்ற பாஜக காரியகர்த்தா’’ என்று ரவீந்திர ஜடேஜா கூறியதாக, சமூக வலைதளங்களில் பகிரப்படும் ஒரு செய்தி பற்றி ஆய்வு செய்தோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் வழியே (+919049044263 & +919049053770) அனுப்பி, உண்மையா என்று சந்தேகம் கேட்டனர். 

Facebook Claim Link l Archived Link 

உண்மை அறிவோம்:

பெரும் எதிர்பார்ப்புக்கு இடையே ஐபிஎல் 2023 சீசன் நடைபெற்று முடிந்துள்ளது. இதில், சென்னை சூப்பர் கிங்ஸ் அணி சாம்பியன் பட்டம் வென்றுள்ளது. இறுதிப் போட்டியில் அந்த அணியின் ரவீந்திர ஜடேஜா சிறப்பான ஆட்டத்தை வெளிப்படுத்தியிருந்தார். 

இந்நிலையில், ‘ஜடேஜா ஒரு பாஜக காரியகர்த்தா, அவரால்தான் சிஎஸ்கே சாம்பியன் பட்டம் வென்றது,’ என்று தமிழ்நாடு பாஜக தலைவர் அண்ணாமலை கூறியிருந்தார். 

இதற்கு ஜடேஜா பதில் அளித்துள்ளதாகக் கூறி சிலர் இவ்வாறு வகையில் தகவல் பரப்புகின்றனர். 

ஆனால், இது நியூஸ் 7 தமிழ் பெயரில் பரவும் போலியான செய்தியாகும். இவ்வாறு ஜடேஜா இதுவரை எந்த பதிலும் அளிக்கவில்லை. 

உண்மையான நியூஸ் கார்டும், நாம் ஆய்வு செய்யும் நியூஸ் கார்டும் ஒப்பீடு செய்து, கீழே இணைத்துள்ளோம். 

எனவே, நாம் ஆய்வுக்கு எடுத்துக் கொண்ட நியூஸ் கார்டு போலியான ஒன்று என சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram