‘ஜனநாயகன் படம் பார்க்க வந்த நமது சங்கீதா அண்ணி’ என்று பரவும் வீடியோ உண்மையா?

‘‘ஜனநாயகன் படம் பார்க்க வந்த நமது சங்கீதா அண்ணி’’ என்று கூறி, சமூக வலைதளங்களில் பரவும் தகவல் பற்றி ஆய்வு மேற்கொண்டோம்.

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர்.

இதில், ‘’ ஜனநாயகன் படம் பார்க்க வந்த நமது சங்கீதா அண்ணி… தளபதி அண்ணாவின் அன்புத் தருணத்தைக் கண்டு மகிழ்ந்த மக்கள்… #TVK #Sangeetha #Jananayagan #Vijay,’’ என்று எழுதப்பட்டுள்ளது. இதனுடன், சங்கீதா மாஸ்க் அணிந்து வருவது போன்ற காட்சிகள் கொண்ட வீடியோ ஒன்றும் இணைக்கப்பட்டுள்ளது.

Claim Link 1 l Claim Link 2 l Archived Link

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இது கடந்த 2023ம் ஆண்டு எடுக்கப்பட்ட வீடியோ, என்று தெரியவந்தது.

இதன்படி, 2023ம் ஆண்டு ஜூலை மாதம் சிவகார்த்திகேயன் நடித்த மாவீரன் படம் வெளியானது. அதனை பார்ப்பதற்காக, விஜய் மனைவி சங்கீதா தியேட்டருக்கு சென்றார். அப்போது பதிவு செய்த வீடியோவை தற்போது ஜனநாயகன் படம் வெளியான சூழலுடன் தொடர்புபடுத்தி, வதந்தி பரப்புகிறார்கள்.

கூடுதல் செய்தி ஆதாரம் இதோ…

எனவே, நாம் ஆய்வுக்கு எடுத்துக் கொண்ட வீடியோவுக்கும், ஜனநாயகன் படத்திற்கும் எந்த தொடர்பும் இல்லை, என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.