உத்தரப் பிரதேசத்தில் குண்டும் குழியுமாக உள்ள சாலை என்று பகிரப்படும் வீடியோ உண்மையா?

உத்தரப் பிரதேசத்தில் குண்டும் குழியுமாக உள்ள சாலை, என்று குறிப்பிட்டு சமூக வலைதளங்களில் பகிரப்படும் வீடியோ ஒன்றின் நம்பகத்தன்மை பற்றி ஆய்வு செய்தோம்.
தகவலின் விவரம்:

Claim Tweet Link I Archived Link

உண்மை அறிவோம்:

மேற்கண்ட வீடியோவை நன்கு உற்று பார்த்தால், அதில், சீன மொழியில் ஒரு லோகோ இருப்பது தெரிகிறது. 

இதன்படி, APP என சீன மொழியில் எழுதப்பட்டுள்ளதன் அடிப்படையிலும், ரிவர்ஸ் இமேஜ் முறையிலும் தொடர்ந்து தகவல் தேடியபோது, இது சீனாவில் எடுக்கப்பட்ட வீடியோ என்பதற்கான லிங்க் கிடைத்தது. அந்த லிங்க் கீழே தரப்பட்டுள்ளது.

izuiyou.com link I bilibili.com video link

இந்த வீடியோக்களை மீண்டும் மீண்டும் பார்வையிட்டபோது, நமக்கு வாகனங்கள் மற்றும் சாலையோரம் உள்ள கட்டிடங்களின் மீது சீன மொழியில் எழுதப்பட்ட பெயர்ப்பலகைகள் தென்பட்டன. 

மற்றொரு ஸ்கிரின்ஷாட்டும் கீழே தரப்பட்டுள்ளது. 

இதில் உள்ள ane என்ற எழுத்தை வைத்து தகவல் தேடியபோது, ஷாங்காய் Ane Logistics என்ற நிறுவனத்தின் பெயர்தான் அது என விவரம் கிடைத்தது.
இதுபற்றி நமது மலையாள மொழிப் பிரிவினர் ஏற்கனவே நடத்திய ஃபேக்ட்செக் லிங்க் கீழே இணைக்கப்பட்டுள்ளது.

Fact Crescendo Malayalam Link

எனவே, சில ஆண்டுகள் முன்பாக, சமூக வலைதளங்களில் பகிரப்பட்ட சீன வீடியோவை எடுத்து, உத்தரப் பிரதேச அரசியலுடன் தொடர்புபடுத்தி வதந்தி பரப்பியுள்ளனர் என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram