கரூர் நெரிசலில் பாதிக்கப்பட்டவர்களின் குடும்பத்தினர் குத்தாட்டம் போட்டபடி விஜயை பார்க்க சென்றனரா?

‘’கரூர் நெரிசலில் பாதிக்கப்பட்டவர்களின் குடும்பத்தினர் குத்தாட்டம் போட்டபடி விஜயை பார்க்க சென்றனர்’’, என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு மேற்கொண்டோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

இதில், ‘’ வீட்டுல இருக்குற சின்ன குழந்தைங்க, அம்மா, அப்பா அண்ணன்,தம்பி, தங்கச்சி செத்து ஒரு மாசம்கூட ஆகல இவனுக குத்தாட்டம் போட்டு போயி விஜய பாக்க போறானுக 😳

என்ன ஜென்மம்டா நீங்கலாம் ..🤬🤬🤬🤬,’’ என்று எழுதப்பட்டுள்ளது. 

இதனுடன் வீடியோ ஒன்றும் இணைக்கப்பட்டுள்ளது. 

Claim Link 1 l Claim Link 2   

பலரும் இதனை உண்மை என நம்பி, சமூக வலைதளங்களில் ஷேர், கமெண்ட் செய்வதைக் காண முடிகிறது.

உண்மை அறிவோம்:

மேற்கண்ட தகவல் உண்மையா என்று நாம் ஆய்வு மேற்கொண்டோம். அப்போது, இந்த வீடியோவுக்கும், கரூர் துயரத்தில் பாதிக்கப்பட்டவர்களுக்காக, மாமல்லபுரத்தில் தவெக., நடத்திய ஆறுதல் கூட்டத்திற்கும் எந்த தொடர்பும் இல்லை, என்று தெரியவந்தது. 

ஆம், மேற்கண்ட இளம் பெண்கள் நடனமாடும் வீடியோ, அவர்கள் சுற்றுலா சென்றபோது எடுக்கப்பட்ட ஒன்று. 

ஆனால், கரூர் துயரத்தில் பாதிக்கப்பட்டவர்கள் சென்னை சென்ற பேருந்து வேறொன்று. அந்த பேருந்தின் பெயர் YBM என்பதாகும். ஆனால், நாம் ஆய்வு செய்யும் வீடியோவில் காணப்படும் பேருந்தின் பெயர் VKT என்று உள்ளது. 

இதன்மூலமாக, இரண்டும் வெவ்வேறு பேருந்துகள் என்பது நமக்கு தெளிவாகிறது. 

கூடுதல் செய்தி ஆதாரம் இதோ…

Dinamani Link l Thanthi TV Link  

இறுதியாக, தவெக., தலைமைக் கழகத்திலும் இதுபற்றி பேசி உறுதிப்படுத்தியுள்ளோம். 

எனவே, நாம் ஆய்வுக்கு எடுத்துக் கொண்ட வீடியோவுக்கும், மாமல்லபுரத்தில் தவெக., நடத்திய ஆறுதல் கூட்டத்திற்கும் எந்த தொடர்பும் இல்லை, என்று சந்தேகமின்றி உறுதி செய்யப்படுகிறது. 

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter PageI Google News Channel I Instagram