‘’குடியரசு தின அணிவகுப்பில் இடம்பெற்றிருந்த கருணாநிதி சிலை நீக்கப்பட்டது பற்றி மு.க.ஸ்டாலின் விளக்கம்,’’ எனக் குறிப்பிட்டு ஒரு செய்தி சமூக வலைதளங்களில் பாலிமர் நியூஸ் லோகோவுடன் பகிரப்படுகிறது. இதன் நம்பகத்தன்மை பற்றி ஆய்வு செய்தோம்.
தகவலின் விவரம்:
இதனை வாசகர் ஒருவர் +91 9049053770 என்ற நமது வாட்ஸ்ஆப் சாட்போட் எண்ணில் உண்மையா எனக் கேட்டு சந்தேகம் எழுப்பியிருந்தார்.
இந்த செய்தியை ஃபேஸ்புக்கிலும் பலர் பகிர்வதைக் கண்டோம்.
Facebook Claim Link I Archived Link
உண்மை அறிவோம்:
தலைநகர் டெல்லியில் குடியரசு தின விழா அணிவகுப்பு நடைபெறுவதை முன்னிட்டு, அதில் தமிழ்நாடு அரசு தரப்பில் பங்கேற்க இருந்த வாகனத்தை மத்திய அரசு நிராகரித்துவிட்டதாகப் புகார் எழுந்தது.
இதையொட்டி பலவிதமான வதந்திகள் சமூக வலைதளங்களில் பகிரப்படுகின்றன. அதன் ஒருபகுதியாக, குடியரசு தின விழா அணிவகுப்பில் பங்கேற்க தமிழ்நாடு அரசு அனுப்பிய வாகனத்தில் கருணாநிதி சிலை இருந்ததால் நிராகரிக்கப்பட்டதாகச் சிலர் தகவல் பகிர்கின்றனர்.
இந்த வரிசையில் பகிரப்படும் மற்றொரு தகவல்தான் மேற்கண்ட ஃபேஸ்புக் பதிவும். உண்மையில், இதனை பாலிமர் நியூஸ் வெளியிடவில்லை. அவர்கள் வெளியிட்ட உண்மையான நியூஸ் கார்டு கீழே இணைக்கப்பட்டுள்ளது. மேலும், பாலிமர் டிவி டிஜிட்டல் பிரிவினரிடம் கேட்டும் உறுதிப்படுத்தியுள்ளோம்.
முடிவு:
உரிய ஆதாரங்களின் அடிப்படையில் நாம் ஆய்வு மேற்கொண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம்.
எங்களது சமூக வலைதள பக்கங்களை பின்தொடர…
Facebook Page I Twitter Page I Google News Channel
Title:குடியரசு தின அணிவகுப்பில் கருணாநிதி சிலை நீக்கம்; மு.க.ஸ்டாலின் விளக்கம் கூறியதாகப் பரவும் வதந்தி…
Fact Check By: Pankaj IyerResult: Altered
