காங்கிரஸ் தேர்தல் அறிக்கையை விமர்சித்த மூதாட்டி என்று பரவும் வீடியோ உண்மையா?

‘’கார்த்தி சிதம்பரம் முன்னிலையில் காங்கிரஸ் தேர்தல் அறிக்கையை விமர்சித்த மூதாட்டி,’’ என்று கூறி, சமூக வலைதளங்களில் பகிரப்படும் ஒரு தகவல் பற்றி ஆய்வு செய்தோம். 

தகவலின் விவரம்:

இதனை வாசகர்கள் நமக்கு வாட்ஸ்ஆப் சாட்போட் (+919049053770) வழியே அனுப்பி, உண்மையா என்று சந்தேகம் கேட்டனர். 

Claim Link l Archived Link 

இதில், ‘’ ரிசர்வ் பேங்க்ல அடிக்கறாங்க. வருசத்துக்கு ஒரு லட்சம் கொடுப்போம்னு சொன்னாலாம் ஏமாந்துறாதீங்க,’’ என்று மூதாட்டி ஒருவர் பேசுகிறார். அவரது அருகே கார்த்தி சிதம்பரம் நிற்பதையும் காண முடிகிறது. பார்ப்பதற்கு, காங்கிரஸ் கட்சியின் தேர்தல் அறிக்கையை விமர்சிப்பது போன்று உள்ளது. 

பலரும் இதனை உண்மை என நம்பி, ஷேர், கமெண்ட் செய்து வருகின்றனர்.  

உண்மை அறிவோம்:

மக்களவைத் தேர்தல் 2024 நடைபெற உள்ள சூழலில், பிரசாரப் பணிகள் உச்சக்கட்டத்தை எட்டியுள்ளன. இதனால், சமூக வலைதளங்களில் அரசியல் கட்சிகள் நாள்தோறும் புதுப்புது தகவல்களை தங்களுக்கு எதிரான கட்சிகள் மீது பரப்புவதைக் காண முடிகிறது. 

அந்த வரிசையில் பகிரப்படும் ஒரு வதந்திதான் மேற்கண்ட தகவல். இது முழுமையான வீடியோ இல்லை. 

ஆம், பாலிமர் டிவி வெளியிட்ட வீடியோவின் ஒரு பகுதியை மட்டும் எடிட் செய்து, மேற்கண்ட வகையில் சிலர் தகவல் பரப்புகின்றனர். 

முழு வீடியோ லிங்க் இதோ…

இந்த வீடியோவில் பேசும் மூதாட்டி, ‘’இப்ப வந்து, உங்களுக்கு மாதா மாதம் பணத்தொகை வந்துட்டிருக்கா? நீங்க மாசம் 1000 ரூபாய் வாங்கறது தனி. உங்களுடைய பெண் குழந்தைகளுக்கு வங்கியில் கணக்குல ஏறுதா, அதெல்லாம் மறந்துடாதிங்க. ரிசர்வ் பேங்க்ல அடிக்கறாங்க. வருசத்துக்கு ஒரு லட்சம் கொடுப்போம்னு சொன்னாலாம் ஏமாந்துறாதீங்க. அது அப்படித்தான் சொல்லுவாங்க. அதெல்லாம் நடக்காது. ஆனா, நடக்கறததான் அய்யா வீட்ல சொல்லுவாங்க. செய்யறததான் சொல்லுவாங்க. அதனால, இதெல்லாம் மனசுல பதிய வச்சிக்கிட்டு கார்த்தி சிதம்பரம் சார் அவர்களுக்கு உங்களது ஓட்டை போடுறது மட்டுமில்ல. ஒவ்வொரு இடத்திலயும் வேலைக்குப் போற இடத்திலயும் இதுபத்தி நீங்க எடுத்துச் சொல்லனும்,’’ என்று படபடப்பாகப் பேசுகிறார். 

அவர் பேசுவதன் ஒரு பகுதியை மட்டும் பார்த்தால் காங்கிரஸ் கட்சிக்கு எதிராகப் பேசுவது போலத்தான் இருக்கிறது; ஆனால், முழுமையாக பார்த்தால், அவர் கார்த்தி சிதம்பரத்தை ஆதரித்துப் பேசுவதை உணரலாம். 

எனவே, நாம் ஆய்வுக்கு எடுத்துக் கொண்ட வீடியோ பற்றிய தகவலில் நம்பகத்தன்மை இல்லை என்று சந்தேகமின்றி உறுதி செய்யப்படுகிறது.

முடிவு:

உரிய ஆதாரங்களின் அடிப்படையில் மேற்கண்ட தகவல் நம்பகமானது இல்லை என்று ஃபேக்ட் கிரஸண்டோ தமிழ் நிரூபித்துள்ளது. நமது வாசகர்கள் இத்தகைய தவறான செய்தி, புகைப்படம் மற்றும் வீடியோவை கண்டால், எங்களது வாட்ஸ் ஆப் எண்ணிற்கு (+91 9049053770) அனுப்புங்கள். நாங்கள், அதுபற்றி ஆய்வு செய்து உண்மை விவரத்தை வெளியிடுகிறோம். 

எங்களது சமூக வலைதள பக்கங்களை பின்தொடர…

Facebook Page I Twitter Page I Google News Channel I Instagram